Rahul Gandhi: స‌త్యం శివం సుంద‌రం.. శివుడి త్రిపుండ్రం పోస్టు పెట్టిన రాహుల్ గాంధీ

Rahul Gandhi: శివుడి త్రిపుండ్రం పిక్‌ను రాహుల్ గాంధీ త‌న ఎక్స్‌లో ఇవాళ పోస్టు చేశారు. దానికి స‌త్యం శివం సుంద‌రం అని రాశారు. అయితే 2018 నాటి ప‌రువున‌ష్టం కేసులో సుల్తాన్‌పూర్ కోర్టు అత‌న్ని నిర్దోషిగా సోమ‌వారం తేల్చిన విష‌యం తెలిసిందే.

న్యూఢిల్లీ: శివుడి విభూతి తిల‌కం పిక్‌ను రాహుల్ గాంధీ(Rahul Gandhi) త‌న ఎక్స్‌లో ఇవాళ పోస్టు చేశారు. దానికి స‌త్యం శివం సుంద‌రం అని రాశారు. అయితే 2018 నాటి ప‌రువున‌ష్టం కేసులో సుల్తాన్‌పూర్ కోర్టు అత‌న్ని నిర్దోషిగా సోమ‌వారం తేల్చిన విష‌యం తెలిసిందే. త్రిపుండ్రం తిల‌కం పోస్టు వెనుక ఉన్న మ‌ర్మం స్ప‌ష్టంగా తెలియ‌డంలేదు. కానీ ఓట‌ర్ల జాబితా స‌వ‌ర‌ణ స‌ర్ ప్ర‌క్రియ‌కు చెందిన పిల్‌ను సుప్రీంకోర్టు విచార‌ణ చేప‌ట్ట‌నున్న నేప‌థ్యంలో ఆయ‌న పోస్టు చేసి ఉంటార‌ని ఊహాగానాలు వినిపిస్తున్నాయి. అయితే 2018లో ఓ ఎన్నిక‌ల ర్యాలీలో పాల్గొన్న రాహుల్ గాంధీ త‌న ప్ర‌సంగంలో అమిత్ షాపై అనుచిత వ్యాఖ్య‌లు చేశారు. ఆ కేసులో సోమ‌వారం ఎంపీ-ఎమ్మెల్యే కోర్టు తీర్పును ఇచ్చింది.

सत्यम् शिवम् सुन्दरम् https://t.co/pIfskmfzAt

— Rahul Gandhi (@RahulGandhi) October 27, 2026

2018లో బీజేపీ జిల్లా ఉపాధ్య‌క్షుడు విజ‌య్ మిశ్రా క్రిమిన‌ల్ ప‌రువున‌ష్టం కేసు బుక్ చేశారు. ఐపీసీలోని సెక్ష‌న్ 499, 500 కింద కేసు న‌మోదు చేశారు. 2018 క‌ర్నాట‌క అసెంబ్లీ ఎన్నిక‌ల స‌మ‌యంలో రాహుల్ అనుచిత వ్యాఖ్య‌లు చేశారు. ఈ కేసులో 2023లో రాహుల్ గాంధీ కోర్టు ముందు హాజ‌ర‌య్యారు. ఆ త‌ర్వాత బెయిల్ తీసుకున్నారు. తొలుత అక్టోబ‌ర్ 13వ తేదీన తీర్పును వెలువ‌రించాల్సి ఉంది. కానీ అక్టోబ‌ర్ 26వ తేదీకి మార్చారు. రాహుల్ గాంధీ త‌ర‌పున సీనియ‌ర్ అడ్వ‌కేట్లు ఆర్ఎస్ చీమా, అడ్వ‌కేటు కాశి శుక్లా, త‌ర‌న్నుమ్ చీమా, ప్ర‌స‌న్న ఎస్, ఆకాశ్ సింగ్ వాదించారు.