Cuts off genitals | తెలిసిన వ్యక్తి మాట విని మర్మాంగం కోసుకున్నాడు.. తర్వాత ఏమైందంటే..!

Cuts off genitals | అతడు మగవాడిగా జన్మించాడు. కానీ అతడి ఫీలింగ్స్‌ అన్నీ అమ్మాయిల ఫీలింగ్స్‌లా ఉన్నాయి. దాంతో అతడు అమ్మాయిగా మారాలని నిర్ణయించుకున్నాడు. అయితే అందుకు వైద్యులను సంప్రతించకుండా తెలిసిన వ్యక్తి ఇచ్చిన సలహాను పాటించాడు.

Cuts off genitals : అతడు మగవాడిగా జన్మించాడు. కానీ అతడి ఫీలింగ్స్‌ అన్నీ అమ్మాయిల ఫీలింగ్స్‌లా ఉన్నాయి. దాంతో అతడు అమ్మాయిగా మారాలని నిర్ణయించుకున్నాడు. అయితే అందుకు వైద్యులను సంప్రతించకుండా తెలిసిన వ్యక్తి ఇచ్చిన సలహాను పాటించాడు. అతడు ఇచ్చిన సలహా మేరకు తన మర్మాంగాన్ని కోసేశాడు. ఆ తర్వాత తీవ్ర రక్తస్రావం కావడంతో ఆస్పత్రిపాలయ్యాడు. ఉత్తరప్రదేశ్‌ (Uttarpradesh) లోని ప్రయాగ్‌రాజ్‌ (Prayagraj) లో ఈ ఘటన చోటుచేసుకుంది.

ప్రయాగ్‌రాజ్‌కు చెందిన 20 ఏళ్ల యువకుడు పోటీపరీక్షల కోసం ప్రిపేర్ అవుతున్నాడు. అయితే అతడికి అమ్మాయిల ఫీలింగ్స్‌ ఉండటంతో అమ్మాయిగా మారాలని భావించాడు. ఇదే విషయాన్ని తనకు తెలిసిన వ్యక్తి దగ్గర ప్రస్తావించడంతో.. అతడు మత్తు ఇంజక్షన్ తీసుకుని మర్మాంగాన్ని కోసుకోమని సలహా ఇచ్చాడు. అతడి సలహా మేరకు యువకుడు మత్తు ఇంజక్షన్ తీసుకుని మర్మాంగాన్ని కోసుకున్నాడు.

మత్తు ప్రభావంలో ముందుగా నొప్పి తెలియకపోయినా క్రమంగా మత్తుదిగినాకొద్ది నొప్పి మొదలైంది. దానికి తోడు తీవ్ర రక్తస్రావమైంది. దాంతో ఇరుగుపొరుగుకు విషయం చెప్పాడు. దాంతో వారు హుటాహుటిన SRN ఆస్పత్రికి తరలించారు. వెంటనే వైద్యులు అతడికి చికిత్స చేశారు. రక్తస్రావం ఆగిపోయిందని అతడికి ఎలాంటి ప్రాణాపాయం లేదని చెప్పారు.