Viral News | ఎవరికైనా అదృష్టం వరిస్తే వారిని ‘నక్కతోక తొక్కావు’ (stepped on the fox tail) అంటుంటాం. ప్రతి విషయంలోనూ లక్ వాళ్లనే పలకరిస్తుంటే ‘వీడు రోజూ నక్కముఖం చూస్తున్నాడురా..’ అనే సామెతలు చెబుతుంటారు. అయితే ఈ సామెతను సీరియస్గా తీసుకున్న ఓ వ్యక్తి అదృష్టం వరించేందుకు ఏకంగా నక్క (Fox)నే తెచ్చుకుని పెంచుకుంటున్నాడు. అదృష్టమో.. దురదృష్టమో గానీ, చివరకు కటకటాలపాలయ్యాడు.
కర్ణాటక (Karnataka) రాష్ట్రం తుమకూరు (Tumakuru) జిల్లాలోని నాగవల్లి (Nagavalli) గ్రామానికి చెందిన లక్ష్మీకాంత్ (Lakshmikanth) అనే వ్యక్తి మూఢనమ్మకాలను ఎక్కువగా నమ్ముతాడు. లక్ష్మీకాంత్ కోళ్ల ఫామ్లు పెట్టుకుని వ్యాపారం చేసుకుంటూ జీవించే వాడు. అయితే, రోజూ ఉదయం నక్కముఖం చూస్తే అదృష్టం వరిస్తుందని భావించిన లక్ష్మీకాంత్ ఇంట్లో రెండు నక్క ఫొటోలను పెట్టుకున్నాడు. అయినా అదృష్టం కలిసి రాలేదని భావించి.. అడవికి వెళ్లి ఓ నక్కను తీసుకొచ్చి తన కోళ్లఫారంలో ఓ బోనులో పెట్టాడు. రోజూ ఉదయం దాని ముఖం చూసేవాడు. పని మీద బయటకు వెళ్లాలంటే కచ్చితంగా నక్క ముఖం చూసే వెళ్లేవాడు. దీంతో అతని వ్యాపారం లాభాలబాట పట్టి.. అతనికి కాసుల వర్షం కురుస్తుండేది.
అయితే, కోళ్లఫారంలో నక్క ఉందని తెలుసుకున్న గ్రామస్థులు.. ఒకరోజు పోలీసులకు సమాచారం ఇచ్చారు. దీంతో అక్కడికి చేరుకున్న పోలీసులు నక్కను పెంచుకోవడం నేరమంటూ లక్ష్మీకాంత్ను అరెస్ట్ చేశారు. నక్కను అటవీశాఖ సిబ్బందికి అప్పగించారు. దీంతో ‘ఈ ఉదయం లక్ష్మీకాంత్ నక్క ముఖం చూడలేదేమో.. అందుకే జైలుపాలయ్యాడు’ అంటూ గ్రామస్థులు గుసగుసలాడటం మొదలుపెట్టారు. ఈ ఘటనతో ‘నక్క’ సామెతలు నిజమని అనుకుంటున్నారు.
Also Read..
Upasana | డెలివరీపై ఉపాసన ఆసక్తికర అప్డేట్..!
Australia | భారతీయుడిని కాల్చి చంపిన ఆస్ట్రేలియా పోలీసులు
Mukesh Ambani | అంబానీ భద్రతపై సుప్రీంకోర్టు కీలక ఆదేశాలు