Oxygen Cylinder Explodes | అంబులెన్స్‌లో పేలిన ఆక్సిజన్‌ సిలిండర్‌.. రోగి మృతి, ఇద్దరికి గాయాలు

Oxygen Cylinder Explodes | ఒక రోగిని అంబులెన్స్‌లో మరో ఆసుపత్రికి తరలించేందుకు సిద్ధమయ్యారు. అందులోని ఆక్సిజన్‌ సిలిండర్‌ను ఆన్‌ చేయగా అది పేలింది. దీంతో మంటలు ఎగసిపడ్డాయి. ఈ సంఘటనలో ఆ రోగి సజీవదహనం కాగా మరో ఇద్దరు వ్యక్తులు గాయపడ్డారు.

భువనేశ్వర్‌: ఒక రోగిని అంబులెన్స్‌లో మరో ఆసుపత్రికి తరలించేందుకు సిద్ధమయ్యారు. అందులోని ఆక్సిజన్‌ సిలిండర్‌ను ఆన్‌ చేయగా అది పేలింది. దీంతో మంటలు ఎగసిపడ్డాయి. ఈ సంఘటనలో ఆ రోగి సజీవదహనం కాగా మరో ఇద్దరు వ్యక్తులు గాయపడ్డారు. (Oxygen Cylinder Explodes) ఒడిశాలోని మయూర్‌భంజ్ జిల్లాలో ఈ సంఘటన జరిగింది. ఉదాల మెడికల్‌ కాలేజీ ఆసుపత్రిలో చికిత్స పొందుతున్న ఒక రోగిని మరో ఆసుపత్రికి డాక్టర్లు రిఫర్‌ చేశారు. ఈ నేపథ్యంలో గురువారం రాత్రి 8.45 గంటల సమయంలో ఆ రోగిని ప్రైవేట్‌ అంబులెన్స్‌లో తరలించేందుకు సిద్ధమయ్యారు.

కాగా, ఆ అంబులెన్స్‌లోని ఆక్సిజన్ సిలిండర్‌ను ఆన్ చేయగానే అది పేలింది. ఈ పేలుడు కారణంగా అంబులెన్స్‌లో మంటలు చెలరేగాయి. ఆ వాహనంలో ఉన్న రోగి మంటల్లో కాలి మరణించగా మరో ఇద్దరు వ్యక్తులు గాయపడ్డారు. అగ్నిమాపక సిబ్బంది అక్కడకు చేరుకుని మంటలను అదుపు చేశారు.

మరోవైపు ఈ సమాచారం తెలుసుకున్న పోలీసులు సంఘటనా స్థలానికి చేరుకున్నారు. మంటల్లో కాలి మరణించిన రోగి మృతదేహాన్ని పోస్ట్‌మార్టం కోసం తరలించారు. ఈ సంఘటనపై కేసు నమోదు చేసి దర్యాప్తు చేస్తున్నారు. అయితే ఆక్సిజన్ సిలిండర్‌ పేలడంతో అంబులెన్స్‌లో మంటలు వ్యాపించిన వీడియో క్లిప్‌ సోషల్‌ మీడియాలో వైరల్‌ అయ్యింది.

ओडिशा के मयूरभंज स्थित उदाला अस्पताल परिसर में मरीज को शिफ्ट करने से पहले एंबुलेंस में भीषण आग लग गई। हादसे में मरीज की जान चली गई, जबकि दो अन्य लोग झुलसकर घायल हो गए। आग लगने के कारणों की जांच जारी है।

#Odisha #Mayurbhanj #AmbulanceFire #BreakingNews #PeoplesUpdate https://t.co/G2yGZIbanW

— People’s Update (@PeoplesUpdate) October 9, 2026