Delhi Police: జర్నలిస్టుల బెనిఫిట్స్.. రీల్మేకర్స్కు వర్తించవు: సుప్రీంలో ఢిల్లీ పోలీసులు
Delhi Police: నిరసనల వేళ జర్నలిస్టులకు లభించే రక్షణ బెనిఫిట్స్ను రీల్మేకర్స్ కానీ కాంటెంట్ క్రియేటర్లు కానీ పొందలేరని ఢిల్లీ పోలీసులు స్పష్టం చేశారు. సుప్రీంకోర్టుకు సమర్పించిన అఫిడవిట్లో పేర్కొన్నారు. జర్నలిస్టు రూల్స్.. రీల్మేకర్స్కు వర్తించవన్నారు.
ముంబై : పోలీసులు తమ విధులను అడ్డుకుంటున్నారని సుప్రీంకోర్టులో జర్నలిస్టులు అఫిడవిట్ దాఖలు చేశారు. ఆ కేసులో ఢిల్లీ పోలీసులు(Delhi Police) కౌంటర్ దాఖలు చేశారు. జర్నలిస్టులు, రీల్మేకర్లు వేరు అని, కాంటెంట్ క్రియేట్ చేసేవారికి జర్నలిస్టు కింద లభించే రక్షణ చట్టాలను అమలు చేయలేమని సుప్రీంకోర్టుకు ఢిల్లీ పోలీసులు తెలిపారు. సీఈసీ జ్ఞానేశ్ కుమార్ను తొలగించాలని కోరుతూ జంతర్ మంతర్ లో సీజేపీ ఆందోళన చేపట్టిన విషయం తెలిసిందే. ఆ సమయంలో తీసుకున్న పోలీసుల చర్యలను ఢిల్లీ సీపీ అనురాగ్ కుమార్, జాయింట్ కమిషనర్ సురేంద్ర కుమార్ సుప్రీంకోర్టులో సమర్ధించారు. నిరసన ప్రదర్శన వేళ పోలీసులు అతిగా ప్రవర్తించినట్లు నెట్వర్క్ ఆఫ్ వుమెన్ ఇన్ మీడియా, ఫ్రీ స్పీచ్ కలెక్టివ్, ఢిల్లీ యూనియన్ ఆఫ్ జర్నలిస్ట్స్తో పాటు కొన్ని మీడియా సంస్థలు ఢిల్లీ పోలీసులపై అఫిడవిట్ దాఖలు చేశారు.
యూట్యూబ్ రీల్స్ కోసం కాంటెంట్ క్రియేట్ చేసేవాళ్లు కెమెరాలు, మైక్రోఫోన్లు పట్టుకుని నిరసన ప్రదర్శనలో పాల్గొన్నారని, దీని వల్ల జర్నలిస్టులు, రీల్మేకర్ల మధ్య వ్యత్యాసాన్ని గుర్తించడం కష్టమైందని ఢిల్లీ పోలీసులు కోర్టులో చెప్పారు. కాంటెంట్ క్రియేటర్లను అడ్డుకోవడం తమ ఉద్దేశం కాదు అని, కానీ నిరసన ప్రదర్శన వేళ జర్నలిస్టులకు వర్తించే మార్గదర్శకాలు వేరు అని, కేవలం కాంటెంట్ కోసం కెమెరాలు, మైక్రోఫోన్లు పట్టుకునే వారికి ఆ మార్గదర్శకాలు వర్తించవని ఢిల్లీ పోలీసులు చెప్పారు.
అధికారిక మీడియా పాత్రను సంపూర్ణంగా గౌరవిస్తామని, కానీ జర్నలిస్టులకు, కాంటెంట్ క్రియేటర్లకు తేడా ఉందని పోలీసులు తమ అఫిడవిట్లో చెప్పారు. నిరసన ప్రదర్శన సమయాల్లో ప్రెస్ క్యాటగిరీ కింద జర్నలిస్టులకు కల్పించే రక్షణ పరిమితులను సోషల్ మీడియా కాంటెంట్ క్రియేటర్లు పొందలేరని ఢిల్లీ పోలీసులు తమ అఫిడవిట్లో పేర్కొన్నారు. జర్నలిస్టులు, రిపోర్టర్లకు కల్పించే హోదాను రీల్ మేకర్లకు కూడా ఇవ్వాలా లేదా అన్న అంశాన్ని ప్రభుత్వమే తేల్చాలన్నారు. వేల సంఖ్యలో నిరసనకారులు ప్రదర్శన చేస్తున్న సమయంలో.. నియంత్రణ కష్టంగా ఉంటుందని, అలాంటి సమయంలో కాంటెంట్ క్రియేటర్లు జర్నలిస్టుల తరహాలో వ్యవహరిస్తున్నారని పోలీసులు తెలిపారు. నిరసనల వేళ జర్నలిస్టులకు లభించే రక్షణ బెనిఫిట్స్ను రీల్మేకర్స్ పొందలేరని ఢిల్లీ పోలీసులు స్పష్టం చేశారు.
Read Today's Latest National News in Telugu and Telugu News
RELATED ARTICLES
తాజా వార్తలు
Delhi Police: జర్నలిస్టుల బెనిఫిట్స్.. రీల్మేకర్స్కు వర్తించవు: సుప్రీంలో ఢిల్లీ పోలీసులు
చుక్కలబోడులో పెన్షన్ పత్రాలు అందజేత
KTR | కేంద్ర ప్రభుత్వం సహకారంతో ఏపీ ప్రభుత్వం జలదోపిడీ చేస్తుంది : కేటీఆర్
Suspended | అడ్డగూడూర్ బాలికల గురుకుల స్కూల్ ప్రిన్సిపాల్ ఝాన్సీ రాణి సస్పెండ్
Superstar Rajinikanth | గ్రీస్లో రజనీకాంత్ కుటుంబం సందడి.. మనవళ్లతో కలిసి ఎంజాయ్ చేస్తున్న సూపర్ స్టార్!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

