Nirmala Sitharaman: కొత్త ఉద్యోగుల‌కు నెల జీతం అద‌నం.. ప్ర‌క‌టించిన ఆర్థిక మంత్రి సీతారామ‌న్‌

Nirmala Sitharaman: సంఘ‌టిత రంగాల్లో కొత్త‌గా ఉద్యోగంలో చేరే వారికి నెల జీతం అద‌నంగా ఇవ్వ‌నున్న‌ట్లు మంత్రి సీతారామ‌న్ తెలిపారు. 3 విడుత‌ల్లో నేరుగా ఆ అమౌంట్‌ను అకౌంట్లోకి ట్రాన్స్‌ఫ‌ర్ చేస్తారు. ఈపీఎఫ్‌వోలో రిజిస్ట‌ర్ అయిన‌వారికి 15వేలు ఇవ్వ‌నున్నారు. నెల‌కు ల‌క్ష జీతం ఉన్న‌వారు కూడా ఈ స్కీమ్‌కు అర్హులు.

న్యూఢిల్లీ: అన్ని రంగాల తొలిసారి ఉద్యోగాల్లో చేరేవారికి నెల జీతాన్ని అద‌నంగా ఇవ్వ‌నున్న‌ట్లు కేంద్ర ఆర్థిక మంత్రి నిర్మ‌లా సీతారామ‌న్(Nirmala Sitharaman) తెలిపారు. వ‌ర్‌ఫోర్స్‌లోకి ఎంట‌ర్ అవుతున్న వారికి నెల జీతం ఇవ్వ‌నున్న‌ట్లు ఆమె చెప్పారు. అయితే ఆ అమౌంట్‌ను ఫ్రావిడెంట్ ఫండ్ రూపంలో కాంట్రిబ్యూట్ చేయ‌నున్న‌ట్లు ఆమె స్ప‌ష్టం చేశారు. ఇవాళ లోక్‌స‌భ‌లో 2024-25 బ‌డ్జెట్‌ను ప్ర‌వేశ‌పెడుతూ మంత్రి సీతారామ‌న్ ఈ విష‌యాన్ని తెలిపారు. అన్ని రంగాల్లో ఉద్యోగంలో చేరే వ్య‌క్తుల‌కు ఈ స్కీమ్‌ను అమ‌లు చేస్తామ‌ని, ఈ స్కీమ్ వ‌ల్ల సుమారు 210 ల‌క్ష‌ల యువ‌త ల‌బ్ధి పొందే అవ‌కాశం ఉన్న‌ట్లు మంత్రి తెలిపారు.

#WATCH | #Budget2024 | Finance Minister Nirmala Sitharaman says, “…One month wage to all persons newly entering the workplace in all formal sectors. Direct Benefit Transfer of one month salary in 3 instalments to first-time employees as registered in the EPFO will be up to Rs… pic.twitter.com/VRooHpwxBj

— ANI (@ANI) July 23, 2024

తాజా బ‌డ్జెట్‌లో ఉద్యోగ సంబంధిత మూడు స్కీమ్‌ల‌ను మంత్రి సీతారామ‌న్ ప్ర‌క‌టించారు. ప‌ని ప్ర‌దేశాల్లో మ‌హిళ‌ల‌ను ప్ర‌మోట్ చేసేందుకు దేశ‌వ్యాప్తంగా వ‌ర్కింగ్ వుమెన్ హాస్ట‌ల్స్‌ను ఏర్పాటు చేయ‌నున్న‌ట్లు ఆమె తెలిపారు.