Noida School | క్రమ శిక్షణ పేరుతో విద్యార్థుల జుట్టు కత్తిరించిన టీచర్..

Noida School | క్రమ శిక్షణ (Discipline) పేరుతో ఓ ప్రైవేటు పాఠశాల ఉపాధ్యాయురాలు విద్యార్థుల పట్ల కఠినంగా వ్యవహరించింది. ఎన్నిసార్లు చెప్పినా పిల్లలు జుట్టు కత్తిరించుకోవడంలేదని.. తానే స్వయంగా కత్తెర పట్టి పలువురు విద్యార్థుల జుట్టు కత్తిరించేసింది (Cuts Hair).

Noida School | క్రమ శిక్షణ (Discipline) పేరుతో ఓ ప్రైవేటు పాఠశాల ఉపాధ్యాయురాలు విద్యార్థుల పట్ల కఠినంగా వ్యవహరించింది. ఎన్నిసార్లు చెప్పినా పిల్లలు జుట్టు కత్తిరించుకోవడంలేదని.. తానే స్వయంగా కత్తెర పట్టి పలువురు విద్యార్థుల జుట్టు కత్తిరించేసింది (Cuts Hair). దీనిపై బాలికల తల్లిదండ్రులు ఆగ్రహం వ్యక్తం చేశారు.

ఉత్తరప్రదేశ్ నోయిడాలోని సెక్టార్ 168లో శాంతి ఇంటర్నేషనల్ స్కూల్ లో ఈ ఘటన చోటు చేసుకుంది. సదరు ఉపాధ్యాయురాలు పాఠశాలలో క్రమశిక్షణ అధికారిణిగా పనిచేస్తోంది. కాగా, గత కొంత కాలంగా విద్యార్థులు జుట్టు కత్తిరించుకొని పాఠశాలకు రావాలని సూచించింది. అయితే విద్యార్థులు మాత్రం ఆమె చెప్పిన మాటలు వినిపించుకోవట్లేదు. దీంతో స్వయంగా రంగంలోకి దిగిన ఉపాధ్యాయురాలు.. స్వయంగా కత్తెర పట్టుకుని 15 మంది విద్యార్థుల జుట్టును కత్తిరించేసింది.

ఈ ఘటనపై విద్యార్థుల తల్లిదండ్రులు ఆగ్రహం వ్యక్తం చేశారు. గురువారం పాఠశాలకు చేరుకొని యాజమాన్యంతో సంప్రదింపులు జరిపారు. సదరు ఉపాధ్యాయురాలిని విధుల నుంచి తొలగించాలని డిమాండ్ చేశారు. దీంతో ఆ టీచర్ ను స్కూల్ మేనేజ్ మెంట్ సస్పెండ్ చేసినట్లు నోయిడా అడిషనల్ డీసీపీ శక్తి అవస్థి తెలిపారు.

Also Read..

Ravindra Jadeja | మహీ భాయ్.. ఈ ప్రయాణం ఎప్పటికీ నీతోనే : వైరలవుతున్న జడేజా పోస్ట్

Rare Brain Infection | కేరళలో బయటపడిన అరుదైన బ్రెయిన్ ఇన్ఫెక్షన్ కేసు..

Mamata Banerjee | పశ్చిమ బెంగాల్ ముఖ్యమంత్రి మమతా బెనర్జీ మోకాలికి శస్త్రచికిత్స