Two Wheeler | వెనుక కూర్చున్న వారితో మాట్లాడుతూ బైక్‌ నడుపుతున్నారా.. ఫైన్‌ వేస్తున్నారు జాగ్రత్త 

రోడ్డు ప్రమాదాల నివారణకు కేరళ మోటారు వాహనాల శాఖ(ఎంవీడీ) కొత్త నిబంధనను తీసుకువచ్చింది. ఇక నుంచి ద్విచక్ర వాహనం నడిపే వారు వెనుక కూర్చున్న వారితో మాట్లాడటం శిక్షార్హమైన నేరం. ఈ నిబంధనను కఠినంగా అమలు చేయాలని అన్ని ఆర్టీఏ కార్యాలయాలకు ఆదేశాలు అందాయి.

• కేరళలో ద్విచక్ర వాహనదారులకు కొత్త నిబంధన

Two Wheeler | తిరువనంతపురం, జూలై 28: రోడ్డు ప్రమాదాల నివారణకు కేరళ మోటారు వాహనాల శాఖ(ఎంవీడీ) కొత్త నిబంధనను తీసుకువచ్చింది. ఇక నుంచి ద్విచక్ర వాహనం నడిపే వారు వెనుక కూర్చున్న వారితో మాట్లాడటం శిక్షార్హమైన నేరం. ఈ నిబంధనను కఠినంగా అమలు చేయాలని అన్ని ఆర్టీఏ కార్యాలయాలకు ఆదేశాలు అందాయి. వెనుక కూర్చున్న వారితో ముచ్చట్లలో మునిగిపోతూ బైక్‌ నడపడం వల్ల ఎక్కువగా ప్రమాదాలు జరుగుతున్నాయని గుర్తించిన తర్వాతే ఈ నిబంధనను విధించినట్టు జాయింట్‌ ట్రాన్స్‌పోర్ట్‌ కమిషనర్‌ కే మనోజ్‌ కుమార్‌ తెలిపారు.

వెనుక ఉన్న వారితో మాట్లాడేందుకు బైక్‌ నడిపే వారు తల తిప్పడం, ఒకవైపు మళ్లడం వల్ల వాహనం నియంత్రణ కోల్పోయి ప్రమాదాలు జరుగుతున్నట్టు చెప్పారు. ఈ నిబంధనను ఉల్లంఘించి, బైక్‌ నడిపే సమయంలో వెనుక కూర్చున్న వారితో మాట్లాడే వారికి జరిమానాలు విధిస్తామని తెలిపారు. అయితే, జరిమానా ఎంత అనేది ఇంకా నిర్ణయం తీసుకోలేదు.