డీజీపీలతో ప్రధాని సమావేశం

ప్రధాన మంత్రి నరేంద్ర మోదీ అధ్యక్షతన శనివారం 60వ అఖిల భారత డీజీపీలు/ఐజీపీల సమావేశం రాయ్‌పూర్‌లో జరిగింది. ఈ సమావేశంలో దేశ భద్రతకు సంబంధించిన వేర్వేరు అంశాలపై విస్తృత చర్చలు జరిగాయని మోదీ ఎక్స్‌ పోస్ట్‌లో తెలిపారు.

• దేశ భద్రతపై విస్తృత చర్చలు

రాయ్‌పూర్‌: ప్రధాన మంత్రి నరేంద్ర మోదీ అధ్యక్షతన శనివారం 60వ అఖిల భారత డీజీపీలు/ఐజీపీల సమావేశం రాయ్‌పూర్‌లో జరిగింది. ఈ సమావేశంలో దేశ భద్రతకు సంబంధించిన వేర్వేరు అంశాలపై విస్తృత చర్చలు జరిగాయని మోదీ ఎక్స్‌ పోస్ట్‌లో తెలిపారు. ఈ రంగంలో ఉత్తమ ఆచరణలు, నూతన ఆవిష్కరణల గురించి పంచుకోవడానికి ఇది గొప్ప వేదిక అని చెప్పారు. శనివారం సమావేశంలో 6 సెషన్స్‌ జరిగాయి. డీజీపీలు తమ రాష్ర్టాలు, కేంద్ర పాలిత ప్రాంతాల్లో నేరాలకు సంబంధించిన పరిస్థితులను వివరించారు. నేరాలను అరికట్టేందుకు తాము చేపట్టిన చర్యలను తెలిపారు. కేంద్ర హోం మంత్రి అమిత్‌ షా ఈ సమావేశాలను శుక్రవారం ప్రారంభించారు.