అద్దె చెల్లించలేక.. నకిలీ నోట్లు ముద్రించి..

అద్దె ఇంట్లో ఉంటూ రూ.85 లక్షల ఫేక్‌ కరెన్సీ ముద్రించిన ఘటన నాగ్‌పూర్‌లో చోటుచేసుకున్నది. ఖర్బీ ప్రాంతంలో పుష్పక్‌ కృష్ణ భండార్కర్‌ అలియాస్‌ బెండానే అనే వ్యక్తి సుమారు ఏడాదిన్నర క్రితం ఓ గదిని అద్దెకు తీసుకున్నాడు.

ముంబై : అద్దె ఇంట్లో ఉంటూ రూ.85 లక్షల ఫేక్‌ కరెన్సీ ముద్రించిన ఘటన నాగ్‌పూర్‌లో చోటుచేసుకున్నది. ఖర్బీ ప్రాంతంలో పుష్పక్‌ కృష్ణ భండార్కర్‌ అలియాస్‌ బెండానే అనే వ్యక్తి సుమారు ఏడాదిన్నర క్రితం ఓ గదిని అద్దెకు తీసుకున్నాడు. ఈ ఏడాది జనవరి నుంచి అద్దె చెల్లించట్లేదు. యజమాని అద్దె గురించి అడగ్గా కత్తితో బెదిరించాడు.

దీంతో యజమాని పోలీసులకు ఫిర్యాదు చేయగా పుష్పక్‌ అద్దెగదికి రావడం మానేశాడు. నెలల తరబడి రాకపోవడంతో యజమానికి అనుమానం వచ్చి తలుపులు బద్దలు కొట్టి చూడగా అతనిరూమ్‌లో నకిలీ నోట్ల బాగోతం బయటపడింది. రూ.37లక్షల విలువైన నోట్లు పూర్తిగా ముద్రించి ఉన్నాయి. మరో రూ.48 లక్షల నోట్లు ఒకవైపు మాత్రమే ముద్రించి ఉన్నాయి. వీటిని పోలీసులు స్వాధీనం చేసుకున్నారు. నిందితుడి కోసం గాలిస్తున్నారు.