Visit:
Meteorite : అమెరికా (USA) లోని జార్జియా (Georgia) లో ఓ ఇంటిపై ఇటీవల పురాతనమైన ఉల్క (Meteorite) రాలిపడింది. ఆ ఉల్కను పరిశీలించిన శాస్త్రవేత్తలు సంచలన విషయాలు వెల్లడించారు. ఆ ఉల్క భూమికంటే పురాతనమైందని చెప్పారు. జూన్‌ 26న జార్జియాలోని మెక్‌డొనౌగ్‌ (McDonough) లో ఓ ఇంటిపై ఉల్క శకలం పడింది. అది ఇంటి పైకప్పును శిథిలం చేస్తూ నేలను తాకింది.
సూపర్‌ సోనిక్‌ వేగంతో ఆ ఉల్క భూమిపై పడినప్పుడు వచ్చిన శబ్దం చాలా దూరం వినిపించింది. చిన్న చెర్రీ పండు పరిమాణంలో 23 గ్రాముల బరువున్న ఉల్క శకలం తాకిడికి నేలపై చిన్న గుంత ఏర్పడింది. ఈ శకలాన్ని పరిశీలించిన జియాలజిస్టులు.. అది దాదాపు 4.56 బిలియన్‌ సంవత్సరాల క్రితం తయారైందని చెప్పారు. అంటే అది భూమికంటే దాదాపు 2 కోట్ల సంవత్సరాల పూర్వం ఏర్పడిందని చెప్పారు.
ఆ గ్రహశకలం అంగారకుడు, బృహస్పతికి మధ్య ఉన్న ఓ తోకచుక్క నుంచి విడివడ్డ శకలం అయి ఉంటుందని శాస్త్రవేత్తలు అంచనా వేస్తున్నారు.
