Woman elopes twice | వారంలో రెండుసార్లు పారిపోయిన మహిళ.. ఆమె భర్తను బెదిరించిన ప్రియుడు

Woman elopes twice | వివాహిత మహిళ తన ప్రియుడితో కలిసి వారం రోజుల్లో రెండుసార్లు ఇంటి నుంచి పారిపోయింది. భర్త తొలి ఫిర్యాదుపై స్పందించిన పోలీసులు ఆ మహిళను వెతికి తెచ్చారు. అయితే ఆ మరునాడే మరోసారి ఆ వ్యక్తితో కలిసి ఆమె పారిపోయింది. ఈ సందర్భంగా ఆమె భర్తను ప్రియుడు బెదిరించాడు.

లక్నో: వివాహిత మహిళ తన ప్రియుడితో కలిసి వారం రోజుల్లో రెండుసార్లు ఇంటి నుంచి పారిపోయింది. భర్త తొలి ఫిర్యాదుపై స్పందించిన పోలీసులు ఆ మహిళను వెతికి తెచ్చారు. అయితే ఆ మరునాడే మరోసారి ఆ వ్యక్తితో కలిసి ఆమె పారిపోయింది. ఈ సందర్భంగా ఆమె భర్తను ప్రియుడు బెదిరించాడు. (Woman elopes twice) ఉత్తరప్రదేశ్‌లోని బాందా జిల్లాలో ఈ సంఘటన జరిగింది. 24 ఏళ్ల వివాహిత మహిళ తన ప్రియుడు జిలేదార్ ఖాన్‌తో కలిసి వారం రోజుల కిందట ఇంటి నుంచి పారిపోయింది. భర్త ఫిర్యాదుపై ఆమె కోసం పోలీసులు వెతికారు. ఆ మహిళ ఆచూకీని గుర్తించారు. మార్చి 23న భర్తకు ఆమెను అప్పగించారు.

కాగా, మరునాడైన మార్చి 24న ప్రియుడు జిలేదార్ ఖాన్‌ మళ్లీ ఆ మహిళ ఇంటికి వచ్చాడు. దీంతో వారిద్దరూ ఇంటి నుంచి వెళ్తుండగా ఆమె భర్త అడ్డుకున్నాడు. ఈ నేపథ్యంలో అతడ్ని దూషించడంతో పాటు చంపుతానని జిలేదార్ ఖాన్‌ బెదిరించాడు. అతడి భార్యను తీసుకుని వెళ్లిపోయాడు.

మరోవైపు ప్రియుడు జిలేదార్ ఖాన్‌తో కలిసి తన భార్య రెండోసారి పారిపోయినట్లు స్థానిక పోలీస్‌ స్టేషన్‌లో భర్త ఫిర్యాదు చేశాడు. అడ్డుకోయిన తనను అతడు దూషించడంతోపాటు చంపుతానని బెదిరించినట్లు ఆరోపించాడు.

దీంతో జిలేదార్ ఖాన్‌పై పలు సెక్షన్ల కింద పోలీసులు కేసు నమోదు చేశారు. ఆ మహిళ కోసం వెతికేందుకు ప్రయత్నిస్తున్నారు. వారి ఆచూకీ లభించిన తర్వాత చట్టపరంగా చర్యలు తీసుకుంటామని పోలీస్‌ అధికారి తెలిపారు.

Also Read:

UP Accident | నిలిచి ఉన్న లారీని ఢీకొట్టిన వాహనం.. ముగ్గురు పిల్లలతో సహా 8 మంది మృతి, 27 మందికి గాయాలు

Claims As Godman, Man Raps Woman | శివుడి అవతారమని నమ్మించిన వ్యక్తి.. మహిళపై అత్యాచారం

Woman Official Arrested in Scam | కేబీసీలో రూ.50 లక్షలు గెలుచుకున్న అధికారిణి.. రూ.2.5 కోట్ల స్కామ్‌లో అరెస్ట్‌

Omar Abdullah | ‘మానవత్వం కోసం ఇరాన్ యుద్ధంలో జోక్యం చేసుకోండి’.. ప్రధాని మోదీకి ఒమర్ అబ్దుల్లా అభ్యర్థన