నేనూ నీట్‌ పేపర్‌ లీక్‌ బాధితురాలినే.. 2015 నాటి పరీక్షపై బాలీవుడ్‌ నటి మానుషి చిల్లర్‌

బాలీవుడ్‌ నటి, మాజీ ప్రపంచ సుందరి మానుషి చిల్లర్‌ తాను 2015లో నీట్‌ పేపర్‌లీక్‌ బాధితురాలినని వెల్లడించారు. ఆర్థికంగా వెసులుబాటు, తల్లిదండ్రుల మద్దతు ఉన్నా..తాను ఆనాడు మానసికంగా తీవ్ర ఒత్తిడికి లోనయ్యాయని అన్నారు.

న్యూఢిల్లీ, ఆగస్టు 1: బాలీవుడ్‌ నటి, మాజీ ప్రపంచ సుందరి మానుషి చిల్లర్‌ తాను 2015లో నీట్‌ పేపర్‌లీక్‌ బాధితురాలినని వెల్లడించారు. ఆర్థికంగా వెసులుబాటు, తల్లిదండ్రుల మద్దతు ఉన్నా..తాను ఆనాడు మానసికంగా తీవ్ర ఒత్తిడికి లోనయ్యాయని అన్నారు.

తాజాగా ఆమె ఓ పాడ్‌కాస్ట్‌లో మాట్లాడుతూ నీట్‌ కోసం తనకు ఎంతో ఇష్టమైన కూచిపూడి,పెయింటింగ్‌లను ఏడాది పాటు పూర్తిగా వదిలేశానని, డాక్టర్‌ కావాలన్న కల కోసం ఎంతో శ్రమించానని, ఆ ఏడాది పేపర్‌ లీక్‌ కారణంగా మళ్లీ పరీక్ష రాయటం తీవ్ర నిరాశకు గురిచేసిందని, ఆనా డు జీవితంలో తాను అత్యంత కఠినమైన దశను ఎదుర్కొన్నానని చెప్పారు. మళ్లీ 45 రోజులు ప్రిపేర్‌ కావాల్సి రావటం మానసికంగా క్రుంగదీసిందని మానుషి అన్నారు.