మా రోమియోలంటే మాకిష్టం.. యోగికి టీఎంసీ ఎంపీ కౌంట‌ర్‌

April 9, 2021 / 03:16 PM IST

కోల్‌క‌తా: ఉత్త‌ర ప్ర‌దేశ్ సీఎం యోగి ఆదిత్య‌నాథ్‌కు తృణ‌మూల్ కాంగ్రెస్ (టీఎంసీ) ఎంపీ మ‌హువా మోయిత్రా కౌంట‌ర్ ఇచ్చారు. మా రోమియోలంటే మాకు ఇష్టమంటూ ట్వీట్ చేశారు. ప‌శ్చిమ బెంగాల్‌లో బీజేపీ అధికారంలోకి వస్తే యాంటీ రోమియో స్వ్కాడ్‌ల‌ను ఏర్పాటు చేస్తామ‌న్న యోగి ఆదిత్య‌నాథ్ వ్యాఖ్య‌ల‌కు మ‌హువా ఇలా కౌంట‌ర్ ఇచ్చారు. గురువారం హూగ్లీలో జ‌రిగిన‌ ఎన్నిక‌ల ప్ర‌చారంలో భాగంగా యోగి ఈ యాంటీ రోమియో స్వ్కాడ్స్ గురించి చెప్పిన విష‌యం తెలిసిందే. బెంగాల్‌లో మ‌హిళ‌ల‌కు ర‌క్ష‌ణ లేద‌ని, వాళ్ల‌ను ఏడిపిస్తున్న వాళ్ల‌కు చెక్ పెట్ట‌డానికే ఈ యాంటీ రోమియో స్క్వాడ్‌ల‌ను తీసుకొస్తామ‌ని యోగి చెప్పారు. ఇప్ప‌టికే యూపీలో ఈ బృందాలు ఉన్నాయి.

అయితే దీనికి మహువా కాస్త వ్యంగ్యంగా బ‌దులిచ్చారు. ట్విట‌ర్‌లో ఆమె స్పందిస్తూ.. మా బెంగాలీలు మీలాగా కాదు. మేము ప్రేమికులం. మాకు మ్యూజిక్ అన్నా, క‌విత‌ల‌న్నా, మిష్తీ అన్నా, మా రోమియోల‌న్నా కూడా ఇష్టం అని ట్వీట్ చేశారు.

Latest from Ajay Bisht aka YogiCM:
“Anti-Romeo squads in Bengal if BJP is voted in”

Gudduji- Unlike your ilk, we Bengalis are lovers at heart!

We like our music, our poetry, our mishti & yes, our Romeos too!
— Mahua Moitra (@MahuaMoitra) April 8, 2021