Air India Flight : లండన్ వెళ్లే విమానంలో చీమల దండు.. ఏంచేశారంటే..?

Air India Flight : న్యూఢిల్లీ నుంచి లండన్‌ వెళ్లేందుకు ఏయిరిండియా విమానం టేకాఫ్‌ తీసుకునేందుకు కొన్ని నిమిషాల ముందు బిజినెస్‌ క్లాస్‌లో చీమల గుంపు కనిపించింది. ఈ క్లాస్‌లో భూటాన్‌ రాజు...

September 6, 2021 / 07:16 PM IST

Air India Flight : లండన్ వెళ్లే విమానంలో చీమల దండు.. ఏంచేశారంటే..?

న్యూఢిల్లీ : లండన్‌ వెళ్లే విమానం టేకాఫ్‌ తీసుకునేందుకు ఇందిరాగాంధీ అంతర్జాతీయ విమానాశ్రయంలో సిద్ధంగా ఉన్నది. ఇంతలో ఆ విమానంలోని బిజినెస్ క్లాస్‌లో చీమల దండు కనిపించింది. దాంతో బిజినెస్‌ క్లాస్‌లోని గొప్పొళ్లంతా అయ్య బాబోయ్‌! అని అరిచారు. ఈ విమానంలోనే భూటాన్ రాజు లండన్‌ వెళ్తున్నారు. అప్పుడు ఏంచేశారంటే..

న్యూఢిల్లీ నుంచి లండన్‌ వెళ్లేందుకు ఏయిరిండియా విమానం (Air India Flight) టేకాఫ్‌ తీసుకునేందుకు కొన్ని నిమిషాల ముందు బిజినెస్‌ క్లాస్‌లో చీమల గుంపు కనిపించింది. ఈ క్లాస్‌లో భూటాన్‌ రాజు జిగ్మే ఖేసర్‌ నామ్‌గెల్‌ వాంగ్‌చక్‌ ప్రయాణిస్తున్నారు. దాంతో ప్రయాణికులకు క్షమాపణలు చెప్పి వెంటనే మరో విమానాన్ని అరెంజ్‌ చేశారు. ఈ విమానంలో నుంచి సామాను ఇంకో విమానంలోకి మార్చడానికి విమానాశ్రయం సిబ్బందికి నాలుగైదు గంటల సమయం పట్టిందంట.

జూలై నెలలో సౌదీ అరేబియా వెళ్తున్న ఎయిరిండియా విమానం విండ్‌షీల్డ్‌లో పగుళ్లు గుర్తించడంతో కేరళలోని తిరువనంతపురం అంతర్జాతీయ విమానాశ్రయంలో అత్యవసరంగా ల్యాండింగ్ చేశారు. అలాగే, మే నెలలో అమెరికాలోని నెవార్క్ వెళ్లే ఎయిరిండియా విమానం లోపల గబ్బిలం కనిపించడంతో విమానాన్ని టేకాఫ్‌ అయిన 30 నిమిషాల తర్వాత తిరిగి ఢిల్లీ విమానాశ్రయంలో ల్యాండ్‌ చేశారు.