Kim Jong | ఉత్తర కొరియా అధ్యక్షుడు కిమ్ సంచలన నిర్ణయాలు తీసుకుంటూ నిత్యం వార్తల్లో ఉంటారు. కేవలం సంచలన నిర్ణయాలే కాకుండా ఆయన ఆహార్యంపై కూడా ప్రపంచ దృష్టి ఉంటుంది. తాజాగా… ఓ ఫొటో వైరల్ అవుతోంది. కిమ్ దాదాపు 40 పౌండ్లు తగ్గినట్లు తెలుస్తోంది. గతంతో పోలిస్తే, ఆయన బరువు తగ్గినట్లు, ఆయన రూపం మారినట్లు ఆ ఫొటోలో స్పష్టంగా కనిపిస్తోంది. ఈ నెల 28న కిమ్ పార్టీ కార్యకర్తల సమావేశంలో పాల్గొన్నారు. ఈ సందర్భంగా స్థానిక పత్రిక కిమ్ ఫొటోలను ప్రచురించింది. ప్రస్తుతం ఆరోగ్యాన్ని దృష్టిలో పెట్టుకొని, భోజనాన్ని తక్కువ మోతాదులో తీసుకుంటున్నారని, అందుకే ఆయన బరువు కూడా తగ్గిందని ఆ పత్రిక పేర్కొంది. అయితే ఆయన ఆరోగ్యానికి మాత్రం వచ్చిన ఢోకా ఏమీ లేదని అధికారులు తేల్చి చెప్పారు.