ఆత్మహత్యల ఎఫెక్ట్‌.. కోటాలోని హాస్టళ్లలో స్ప్రింగ్‌ ఫ్యాన్లు

రాజస్థాన్‌లోని కోటాలో ఇటీవల కాలంలో విద్యార్థుల వరుస ఆత్మహత్యలు కలవరపెడుతున్నాయి. దీంతో ఆత్మహత్యల నివారణకు అన్ని హాస్టళ్లు, ఇతర పీజీ వసతి గృహాల్లోని గదుల్లో సీలింగ్‌ ఫ్యాన్లకు స్ప్రింగ్‌ డివైస్‌ను అమర్చాలని అధికారులు నిర్ణయించారు.

కోటా, ఆగస్టు 18: రాజస్థాన్‌లోని కోటాలో ఇటీవల కాలంలో విద్యార్థుల వరుస ఆత్మహత్యలు కలవరపెడుతున్నాయి. దీంతో ఆత్మహత్యల నివారణకు అన్ని హాస్టళ్లు, ఇతర పీజీ వసతి గృహాల్లోని గదుల్లో సీలింగ్‌ ఫ్యాన్లకు స్ప్రింగ్‌ డివైస్‌ను అమర్చాలని అధికారులు నిర్ణయించారు. అన్ని వసతి గృహాల వారు ఈ స్ప్రింగ్‌ లోడెడ్‌ ఫ్యాన్లను కచ్చితంగా అమర్చాలని, అలా చేయని వారిపై కఠిన చర్యలు తీసుకుంటామని పోలీస్‌ డిప్యూటీ కమిషనర్‌ ఓపీ బంకర్‌ ఆదేశాలు జారీ చేశారు. ఫ్యాన్‌పై 20 కిలోల కన్నా ఎక్కువ బరువు వేస్తే ఈ స్ప్రింగ్‌ కిందకు సాగిపోతుంది.