Khalistani Terrorist | కెనడా (Canada)లో మరో ఖలిస్థాని ఉగ్రవాది (Khalistani Terrorist) దారుణ హత్యకు గురయ్యాడు. ఖలిస్థాన్ ఉగ్రవాది అర్షదీప్ సింగ్ అలియాస్ అర్ష దాలా అనుచరుడైన సుఖ్దూల్ సింగ్ (Sukhdool Singh) కెనడాలోని విన్నిపెగ్ పట్టణంలో హత్యకు గురయ్యాడు. బుధవారం రాత్రి రెండు గ్రూపుల మధ్య (Gang War) చోటుచేసుకున్న ఘర్షణల్లో అతడు మరణించినట్లు సంబంధిత వర్గాలు వెల్లడించాయి.
ఏ-కేటగిరీ గ్యాంగ్ స్టర్ అయిన సుఖ్దూల్ సింగ్ పంజాబ్లోని మోగా జిల్లాకు చెందిన వ్యక్తి. 2017లో నకిలీ పత్రాలపై భారత్ నుంచి కెనడా పారిపోయాడు. అప్పటి నుంచి కెనడాలోనే ఉంటూ ఖలిస్థాన్ అనుకూల కార్యకలాపాలకు పాల్పుడుతున్నాడు. అతను టెర్రరిస్ట్ అర్ష్దీప్ దల్లాకు అత్యంత సన్నిహితుడు. అదేవదిధంగా మోస్ట్ వాంటెడ్ క్రిమినల్స్తో అతడికి సంబంధాలు ఉన్నట్లు ఎన్ఐఏ తేల్చింది. కెనడాలో ఖలిస్థాన్ ఉగ్రవాద సంస్థతో సంబంధాలు కలిగి ఉన్న 43 మంది గ్యాంగ్స్టర్లలో ఒకడని పేర్కొంది.
ఈ ఏడాది జూన్ లో ఖలిస్థాన్ ఉగ్రవాది హర్దీప్ సింగ్ నిజ్జర్ హత్యకు గురైన విషయం తెలిసిందే. దుండగులు నిజ్జర్ను అతిదారుణంగా కాల్చి చంపారు. అయితే, అతడి హత్య వెనుక భారత్ ప్రమేయం ఉందంటూ కెనడా ప్రధాని జస్టిన్ ట్రూడో ఆరోపించారు. ఇది రెండు దేశాల మధ్య దౌత్య యుద్ధానికి దారితీసింది. ఇదే సమయంలో మరో ఖలిస్థాన్ అనుకూల ఉగ్రవాది హత్యకు గురికావడం ఇప్పుడు సంచలన రేకిస్తోంది.
Also Read..
Donald Trump | మా నాన్న డొనాల్డ్ ట్రంప్ చనిపోయారు.. జూనియర్ ట్రంప్ ట్వీట్ వైరల్
Go to India | ‘ఇండియాకు వెళ్లిపోండి’.. కెనడాలోని భారతీయ హిందువులకు ఖలిస్థాన్ ఉగ్రవాది బెదిరింపు
Exercise utmost caution | అత్యంత అప్రమత్తంగా ఉండండి.. కెనడాలోని భారతీయులకు కేంద్రం సూచన