హ‌ఠాత్తుగా కీల‌క ప‌ద‌వికి రాజీనామా చేసిన కాంగ్రెస్ నేత క‌మ‌ల్‌నాథ్‌

కీల‌క ప‌ద‌వికి కాంగ్రెస్ సీనియ‌ర్ నేత క‌మ‌ల్‌నాథ్ రాజీనామా చేసేశారు. మ‌ధ్యప్ర‌దేశ్ ప్ర‌తిప‌క్ష నేత ప‌ద‌వికి క‌మ‌ల్‌నాథ్ హ‌ఠాత్తుగా రాజీనామా చేసేశారు. అయితే.. ఎందుకు రాజీనామా చేశారో ఇప్ప‌టికి ఎలాంటి ప్ర‌క‌ట‌న రాలేదు. త‌న రాజీనామా లేఖ‌ను హైక‌మాండ్‌కు పంపించారు. హైక‌మాండ్ ఈ రాజీనామాను ఆమోదించింది. ఇక‌.. క‌మ‌ల్‌నాథ్ స్థానంలో డాక్ట‌ర్ గోవింద్ సింగ్‌ను కాంగ్రెస్ అధిష్ఠానం ఎంపిక చేసింది. ఇక‌పై మ‌ధ్య‌ప్ర‌దేశ్ ప్ర‌తిప‌క్ష నేత‌గా గోవింద్ సింగ్ కొన‌సాగ‌నున్నారు.

వివాదాస్ప‌ద వ్యాఖ్య‌లే రాజీనామాకు కార‌ణ‌మా?

కొన్ని రోజులుగా క‌మ‌ల్‌నాథ్ ఓ వివాదంలో ఇరుక్కున్నారు. బీజేపీ చెప్పే బ‌క్వాస్ మాట‌లు విన‌డానికి తాను అసెంబ్లీకి వెళ్ల‌నంటూ ఓ ఇంట‌ర్వ్యూలో వ్యాఖ్యానించారు. ఈ వ్యాఖ్య‌ల‌కు బీజేపీ తీవ్ర అభ్యంత‌రం వ్య‌క్తం చేసింది. క‌మ‌ల్‌నాథ్‌పై చ‌ర్య‌లు తీసుకోవాలంటూ బీజేపీ స్పీక‌ర్‌ను కోరింది. ఈ వ్యాఖ్య‌లే ఆయ‌న రాజీనామాకు కార‌ణ‌మ‌య్యాయా? అంటూ పార్టీలో చ‌ర్చ జ‌రుగుతోంది.

ఒక్క‌రికి ఒకే ప‌ద‌వి.. అన్న ఫార్ములా?

మ‌ధ్య‌ప్ర‌దేశ్ పీసీసీ విష‌యంలో హైక‌మాండ్ కొన్ని రోజులు క్రితం ఓ కీల‌క నిర్ణ‌యం తీసుకుంది. ఒక్క వ్య‌క్తికి ఒకే ప‌ద‌వి అన్న సిద్ధాంతాన్ని తెర‌పైకి తెచ్చింది. ఈ కార‌ణంగానే క‌మ‌ల్‌నాథ్ రాజీనామా చేశార‌న్న‌ది ఆయ‌న వ‌ర్గం వాద‌న. ఇన్ని రోజుల పాటు ప్ర‌తిప‌క్ష నేత‌గా సేవ‌లందించినందుకు అధిష్ఠానం క‌మ‌ల్‌నాథ్‌కు ధ‌న్య‌వాదాలు తెలుపుతూ ఓ ప్ర‌క‌ట‌న విడుద‌ల చేసింది.