బాలనటుడిగా తెలుగు ప్రేక్షకుల మనసు గెలిచిన తేజ సజ్జా జోష్ మీదున్నాడు. ఓ బేబీ, జాంబిరెడ్డి సినిమాలతో ఊపు మీదున్న ఈ కుర్రహీరో ఇప్పుడు ఇష్క్ సినిమాతో థియేటర్లో సందడి చేయబోతున్నాడు. ఓవైపు పెద్ద, చిన్న సినిమాలన్నీ కోవిడ్ కేసులను దృష్టిలో పెట్టుకొని విడుదలను వాయిదా వేస్తుంటే ఈ హీరో మాత్రం ఫిక్స్ అయిన డేట్ కే వచ్చేస్తానంటున్నాడు.
ఏప్రిల్ 23న ఈసినిమాని రిలీజ్ చేస్తున్నట్లు ప్రకటించడమే కాదు ట్రైలర్ విడుదల సమాయాన్ని కూడా చెప్పేశాడు. ఈనెల 15వ తేదీన ఇష్క్ ఇట్స్ నాట్ లవ్ స్టోరీ కాప్షన్ తో వస్తోన్న ఈసినిమా ట్రైలర్ ఉదయం 10.36 నిమిషాలకు విడుదల కాబోతోంది.
కేరళ కుట్టి ప్రియా వారియర్ తెలుగులో హీరోయిన్ గా నటిస్తోన్న రెండో సినిమా ఇదే. ఇంతకుముందు నితిన్ తో కలిసి చెక్ సినిమాలో నటించింది.