Watch: స్కూటీని రాసుకుని వెళ్లినందుకు.. రాయల్ ఎన్‌ఫీల్డ్ బైక్‌ను ధ్వంసం చేసిన మహిళ

Jaipur Woman Vandalises Bike | ట్రాఫిక్‌ రద్దీ నేపథ్యంలో రాయల్‌ ఎన్‌ఫీల్డ్‌ బైక్‌, ఒక స్కూటీని స్వల్పంగా రాసుకుని వెళ్లింది. ఆ స్కూటీకి చెందిన మహిళ దీనిపై తీవ్ర ఆగ్రహం చెందింది. హెల్మెట్‌తో పాటు రాయితో కొట్టి రాయల్‌ ఎన్‌ఫీల్డ్‌ బైక్‌ను ధ్వంసం చేసింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

జైపూర్‌: ట్రాఫిక్‌ రద్దీ నేపథ్యంలో రాయల్‌ ఎన్‌ఫీల్డ్‌ బైక్‌, ఒక స్కూటీని స్వల్పంగా రాసుకుని వెళ్లింది. ఆ స్కూటీకి చెందిన మహిళ దీనిపై తీవ్ర ఆగ్రహం చెందింది. హెల్మెట్‌తో పాటు రాయితో కొట్టి రాయల్‌ ఎన్‌ఫీల్డ్‌ బైక్‌ను ధ్వంసం చేసింది. (Jaipur Woman Vandalises Bike) ఈ వీడియో క్లిప్‌ సోషల్‌ మీడియాలో వైరల్‌ అయ్యింది. రాజస్థాన్‌ రాజధాని జైపూర్‌లో ఈ సంఘటన జరిగింది. గురువారం ఇరుకైన రోడ్డులో ట్రాఫిక్‌ రద్దీ నేపథ్యంలో రాయల్ ఎన్‌ఫీల్డ్ బైక్‌ ఒక స్కూటీని స్వల్పంగా ఢీకొట్టింది.

కాగా, ఆ స్కూటీకి చెందిన మహిళ దీనిపై తీవ్ర వాగ్వాదానికి దిగింది. ఆ తర్వాత ఆగ్రహంతో ఆమె ఊగిపోయింది. ఆ వ్యక్తికి చెందిన రాయల్ ఎన్‌ఫీల్డ్ బైక్‌పై తన ప్రతాపం చూపింది. పార్క్‌ చేసిన ఆ బైక్‌ను తొలుత హెల్మెట్‌, ఆ తర్వాత ఇటుక రాయితో ధ్వంసం చేసింది. హెడ్‌లైట్, స్పీడోమీటర్, బ్యాక్‌, సైడ్‌ లైట్లను పగులగొట్టింది.

మరోవైపు పోలీస్‌ను పిలుస్తానని ఆ వ్యక్తి హెచ్చరించినప్పటికీ ఆ మహిళ ఏ మాత్రం లెక్కచేయలేదు. పైగా ‘పోలీసులను పిలుచుకో.. నాకేం కాదు’ అని అన్నది. రాయల్ ఎన్‌ఫీల్డ్ బైక్‌ను ధ్వంసం చేసిన తర్వాత చేతులు దులుపుకుని, వాటిని చూపిస్తూ అక్కడి నుంచి వెళ్లిపోయింది. విధుల్లో ఉన్న ట్రాఫిక్‌ పోలీస్‌ ఆ మహిళను నిలువరించకపోవడంపై విమర్శలు వెల్లువెత్తాయి.

అయితే ఈ వీడియో క్లిప్‌ సోషల్‌ మీడియాలో వైరల్‌ అయ్యింది. దీంతో ఆ మహిళ తీరుపై విమర్శలు వెల్లువెత్తాయి. ఈ నేపథ్యంలో పోలీసులు స్పందించారు. ఆ మహిళపై చర్యలు తీసుకుంటామని పోలీస్‌ అధికారి పేర్కొన్నారు.

A woman went barserk after a minor incident of road rage in Jaipur, Rajasthan. Used helmet and brick to vandalise a motorcycle. pic.twitter.com/ON2dfAuwLy

— Piyush Rai (@Benarasiyaa) March 26, 2026

Also Read:

Woman elopes twice | వారంలో రెండుసార్లు పారిపోయిన మహిళ.. ఆమె భర్తను బెదిరించిన ప్రియుడు

UP Accident | నిలిచి ఉన్న లారీని ఢీకొట్టిన వాహనం.. ముగ్గురు పిల్లలతో సహా 8 మంది మృతి, 27 మందికి గాయాలు

Claims As Godman, Man Raps Woman | శివుడి అవతారమని నమ్మించిన వ్యక్తి.. మహిళపై అత్యాచారం

Omar Abdullah | ‘మానవత్వం కోసం ఇరాన్ యుద్ధంలో జోక్యం చేసుకోండి’.. ప్రధాని మోదీకి ఒమర్ అబ్దుల్లా అభ్యర్థన