Israel | ఇండియాకు లైట్ మెషీన్ గన్స్ అందించిన ఇజ్రాయెల్.. త్వరలో మరిన్ని గన్స్ డెలివరీ

Israel : ఇండియా-ఇజ్రాయెల్ మధ్య ఉన్న సంబంధాలు చాలా ప్రత్యేకమైనవి. ఈ నేపథ్యంలో ఇరు దేశాల మధ్య కుదిరిన ఒప్పందంలో భాగంగా ప్రత్యేకంగా రూపొందించిన లైట్‌ మెషీన్ గన్స్‌ను ఇండియాకు అందించింది ఇజ్రాయెల్.

Israel : ఇండియా-ఇజ్రాయెల్ మధ్య ఉన్న సంబంధాలు చాలా ప్రత్యేకమైనవి. రక్షణ సహా అనేక అంశాల్లో ఇరు దేశాలు కలిసి పని చేస్తున్నాయి. ఈ నేపథ్యంలో ఇరు దేశాల మధ్య కుదిరిన ఒప్పందంలో భాగంగా ప్రత్యేకంగా రూపొందించిన లైట్‌ మెషీన్ గన్స్‌ను ఇండియాకు అందించింది ఇజ్రాయెల్. NEGEV 7.62×51 అని పిలిచే 2,000 లైట్‌ మెషీన్ గన్స్‌ గతవారమే ఇండియాకు చేరుకున్నాయి. ఈ ఏడాది చివరికల్లా మరో 4,000 మెషీన్ గన్స్ కూడా రానున్నాయి.

మొత్తం 41,000 మెషీన్ గన్స్‌ ఇండియాకు అందించేందుకు ఇజ్రాయెల్‌తో ఒప్పందం కుదిరింది. ప్రస్తుతం ఈ గన్స్ తయారీ కొనసాగుతోంది. మేకిన్ ఇండియాలో భాగంగా ఈ గన్స్‌ తయారయ్యాయి. అంటే, ఇండియాకు చెందిన అదానీ గ్రూప్‌ సంస్థతో కలిసి, ఇజ్రాయెల్‌కు చెందిన ఐడబ్ల్యూఐ (ఇజ్రాయెల్ వెపన్స్ ఇండస్ట్రీస్) అనే ప్రభుత్వ ఆయుధ తయారీ సంస్థ కలిసి వీటిని తయారు చేశాయి. ఈ రెండు సంస్థలు కలిసి పీఎల్‌ఆర్‌ సిస్టమ్స్ పేరుతో కొత్త సంస్థను ఏర్పాటు చేసి, వీటిని తయారు చేస్తున్నారు. ఇక, ఇండియాలో ఒక ప్రైవేటు సంస్థ (అదానీ గ్రూప్‌) ఆయుధాలు తయారు చేయడం ఇదే మొదటిసారి. ఇవి 7.62 ఎంఎం లైట్ మెషీన్ గన్స్. తక్కువ బరువుతో, కచ్చితత్వంతో ఈ గన్స్ పని చేస్తాయి. వీటిలో సెమీ ఆటోమేటిక్, ఆటోమేటిక్ అనే రెండు రకాలు ఉంటాయి. ఇందులో 7.62 ఎంఎం బుల్లెట్స్ వాడొచ్చు.

ఎలాంటి వాతావరణంలోనైనా, మరింత వేగంగా, బలంగా పని చేస్తాయి. ఈ గన్స్‌ను హెలికాప్టర్లు, వాహనాలు, నేవీ ప్రదేశాలు సహా ఎక్కడినుంచైనా ప్రయోగించవచ్చు. తక్కువ వెలుతురులో కూడా టార్గెట్‌ను చేధించవచ్చు. ఆయుధాల విషయంలో నాటో స్టాండర్డ్స్‌ను ఇవి అందుకుంటాయి. ఇవి కంప్యూటరైజ్డ్ వెపన్స్ కూడా. ఇజ్రాయెల్ నుంచి ఇండియా మరిన్ని ఆయుధాలను దిగుమతి చేసుకోనుంది.