Barbie Politicians: బార్బీ లుక్‌లో మోదీ.. సోనియా.. ఆక‌ట్టుకుంటున్న పింక్ పొలిటీషియ‌న్స్‌

Barbie Politicians: పింక్ క‌ల‌ర్ బార్బీ లుక్‌లో మ‌న నేత‌లు ఇర‌గ‌దీస్తున్నారు. హాలీవుడ్ ఫిల్మ్ బార్బీ స్ట‌యిల్ డ్రెస్సింగ్‌తో ఆక‌ట్టుకుంటున్నారు. మోదీ, సోనియా, లాలూ, రాహుల్‌కు చెందిన బార్బీ లుక్ ఫోటోల‌ను ఓ ఏఐ ఆర్టిస్టు రిలీజ్ చేశాడు. ఆ పిక్స్ ఇప్పుడు ఇంట‌ర్నెట్‌లో సెన్ష‌ష‌న్ క్రియేట్ చేస్తున్నాయి.

న్యూఢిల్లీ: హాలీవుడ్‌లో ఇప్పుడు బార్బీ(Barbie) ఫిల్మ్ ఓ సెన్షేష‌న్ క్రియేట్ చేస్తోంది. మార్గ‌ట్ రాబీ, రియాన్ గోస్లింగ్ న‌టించిన ఆ ఫిల్మ్ బాక్సాఫీస్ వండ‌ర్స్ సృష్టిస్తోంది. అయితే ఆ ఫిల్మ్‌లో న‌టీన‌టులు పింక్ క‌ల‌ర్(Pink color) దుస్తుల్లో కేక పుట్టించారు. ప్ర‌స్తుతం ఎక్క‌డికి వెళ్లినా ఆ పింక్ బార్బీ ఫీవ‌రే క‌నిపిస్తోంది. ఆ ట్రెండ్‌ను ఓ ఆర్టిఫిషియ‌ల్ ఇంటెలిజెన్స్(Artificial Intelligence) ఆర్టిస్టు అద్భుతంగా వాడుకున్నాడు. త‌న ట్యాలెంట్‌తో ఇప్పుడ‌త‌ను ఇంట‌ర్నెట్‌లో ఓ తుఫాన్ సృష్టిస్తున్నాడు. భార‌తీయ రాజ‌కీయ నాయ‌కుల‌కు చెందిన ఇమేజ్‌ల‌తో అత‌ను బార్బీ పింక్ లుక్స్ త‌యారు చేశాడు. బార్బీ ఫ్యాష‌న్‌లో మ‌న రాజ‌కీయ‌వేత్త‌లు(Politicians) వెలిగిపోతున్నారు.

 

View this post on Instagram

 

A post shared by Who Wore What (@whoworewhat.club)

వూ వోర్ వాట్ అన్న ఇన్‌స్టాగ్రామ్‌లో మ‌న లీడ‌ర్ల ఫోటోల‌ను పోస్టు చేశారు. మొత్తం ప‌ది మంది పొలిటీషియ‌న్స్ ఆ బార్బీ లుక్‌లో అద‌ర‌గొడుతున్నారు. ప్ర‌ధాని న‌రేంద్ర మోదీ, రాహుల్ గాంధీ, అమిత్ షా, సోనియా గాంధీ, లాలూ ప్ర‌సాద్ యాద‌వ్, కేజ్రీవాల్‌, మ‌మ‌తా బెన‌ర్జీ, నితిన్ గ‌డ్క‌రీ నేత‌ల‌కు చెందిన బార్బీ లుక్‌ల‌ను ఆ ఇన్‌స్టాలో పోస్టు చేశారు. బార్బీ లుక్‌లో రాజ‌కీయ‌నేత‌లు తెగ అట్రాక్టివ్‌గా ద‌ర్శ‌న‌మిస్తున్నారు. పింక్ క‌ల‌ర్ దుస్తుల‌తో స్ట‌న్నింగ్‌గా క‌నిపిస్తున్నారు. ఇక వాళ్ల మేక‌ప్‌, హెయిర్డోస్ కూడా థ్రిల్ పుట్టిస్తోంది.