Omicron Wave | భార‌త్‌లో అప్ప‌టికి 4 నుంచి 8 ల‌క్ష‌ల కేసులు న‌మోద‌య్యే ఛాన్స్‌ : ఐఐటీ ప్రొఫెస‌ర్‌

Omicron Wave : దేశ‌వ్యాప్తంగా క‌రోనా వైర‌స్ కేసులు అనూహ్యంగా పెరుగుతుండ‌టంతో ఒమిక్రాన్ వ్యాప్తితో జ‌న‌వ‌రి నెలాఖ‌రులో కొవిడ్‌-19 త‌దుప‌రి వేవ్ ముమ్మ‌ర ద‌శ‌కు చేరుకుంటుంద‌ని నిపుణులు అంచ‌నా వేస్తున్నారు.

Omicron Wave : దేశ‌వ్యాప్తంగా క‌రోనా వైర‌స్ కేసులు అనూహ్యంగా పెరుగుతుండ‌టంతో ఒమిక్రాన్ వ్యాప్తితో జ‌న‌వ‌రి నెలాఖ‌రులో కొవిడ్‌-19 త‌దుప‌రి వేవ్ ముమ్మ‌ర ద‌శ‌కు చేరుకుంటుంద‌ని నిపుణులు అంచ‌నా వేస్తున్నారు. నెలాఖ‌రు నాటికి భార‌త్‌లో రోజూ 4 నుంచి 8 ల‌క్ష‌ల కేసులు వెలుగుచూసే అవ‌కాశం ఉంద‌ని ఐఐటీ కాన్పూర్ ప్రొఫెస‌ర్ మ‌హీంద్ర అగ‌ర్వాల్ పేర్కొన్నారు. థ‌ర్డ్ వేవ్ మార్చి నాటికి స‌మ‌సిపోతుంద‌ని అంచ‌నా వేశారు.

జ‌న‌వ‌రి మ‌ధ్య‌లో ఢిల్లీ, ముంబైలో ఒమిక్రాన్ వేవ్ ముమ్మ‌ర ద‌శ‌కు చేరుకుంటుంద‌ని ఈ రెండు సిటీల్లో అప్ప‌టికి రోజుకు 30,000 నుంచి 50,000 కేసులు న‌మోద‌వుతాయ‌ని పేర్కొన్నారు. క‌ఠిన లాక్‌డౌన్‌ల ద్వారా ఈ వేవ్‌ల‌ను నియంత్రించ‌వ‌చ్చ‌ని అది మ‌హ‌మ్మారి కొన‌సాగేందుకు దోహ‌ద‌ప‌డుతుంద‌ని అన్నారు. లాక్‌డౌన్ విధించ‌డం ద్వారా ఆరోగ్య సంర‌క్ష‌ణ వ్య‌వ‌స్ధ‌పై భారాన్ని నివారించ‌వ‌చ్చ‌ని చెప్పారు.

మార్చి చివ‌రినాటికి 10,000-20,000 కేసులు

లాక్‌డౌన్ విధించ‌కుంటే మార్చి నాటికి కేసుల సంఖ్య త‌గ్గుముఖం ప‌ట్ట‌వ‌చ్చ‌ని అంచ‌నా వేశారు. మార్చి మాసాంతానికి కేసుల సంఖ్య రోజుకు 10,000 నుంచి 20,000కు ప‌రిమిత‌మ‌వుతుంద‌ని మ‌హీంద్ర అగర్వాల్ తెలిపారు. ఒమిక్రాన్ వ్యాప్తితో కొవిడ్‌-19 కేసుల సంఖ్య పెరుగుతున్నా ప‌డ‌క‌ల ఆక్యుపెన్సీ త‌క్కువ‌గానే ఉంటుంద‌ని చెప్పారు. మ‌రోవైపు భార‌త్‌లో ఒమిక్రాన్ కేసుల సంఖ్య జ‌న‌వ‌రి మాసాంతం లేదా ఫిబ్ర‌వ‌రి ప్ర‌ధ‌మార్ధంలో ముమ్మ‌ర ద‌శ‌కు చేరుతుంద‌ని ఐహెచ్ఎంఈ డైరెక్ట‌ర్ డాక్ట‌ర్ క్రిష్టాఫ‌ర్ ముర్రే సైతం ఇటీవ‌ల అంచ‌నా వేశారు.