న్యూఢిల్లీ : ఏనుగు కుటుంబం కలిసి స్నానం చేస్తున్న వీడియోను ఐఎఫ్ఎస్ అధికారి ప్రవీణ్ కశ్వన్ ట్విట్టర్ వేదికగా షేర్ చేయగా ఆ వీడియో సోషల్ మీడియాలో వైరల్ అవుతోంది. ఈ వీడియోలో ఓ ఏనుగు గుంపు నీటి కుంటలో స్నానం చేస్తూ ఎంజాయ్ చేయడం కనిపించింది. ఇందులో పిల్ల ఏనుగులతో పాటు పెద్ద ఏనుగులూ ఉన్నాయి.
This family bath together. They stay together. pic.twitter.com/bEiKM3cj4E
— Parveen Kaswan, IFS (@ParveenKaswan) November 4, 2022
ఈ ఏనుగు కుటుంబం కలిసి స్నానం చేస్తూ కలిసిమెలసి సాగుతున్నదని వీడియోకు క్యాప్షన్గా ఇచ్చారు. ఈ వీడియోకు ఇప్పటివరకూ 6,000కుపైగా వ్యూస్ లభించాయి. ఈ వీడియోకు నెటిజన్లు పెద్దసంఖ్యలో రియాక్టయ్యారు. ఓ కుటుంబానికి కలిసిమెలసి ఉండటం కంటే జీవితంలో మరో ముఖ్యమైన విషయం ఏం ఉంటుందని ఓ యూజర్ రాసుకొచ్చారు. కాలుష్య వాతావరణం, కలుషిత నీటి నుంచి దూరంగా ఈ ఏనుగులు జలకాలాడుతున్నాయని మరో యూజర్ కామెంట్ చేశారు.