న్యూఢిల్లీ : స్కూల్ అనగానే టెక్ట్స్ బుక్స్తో కుస్తీలు, హోంవర్క్, క్లాస్ వర్క్ అంటూ చిన్నారులపై ఒత్తిడి పెంచడం గుర్తుకొస్తుంది. వారిలో విలువలు పెంచేలా, ఇతరుల పట్ల ఎలా వ్యవహరించాలో తెలిపే ఉపాధ్యాయులు అరుదుగా కనిపిస్తుంటారు. అయితే జపాన్లోని ఓ స్కూల్లో పిల్లలకు ఇతరుల పట్ల మర్యాదగా ఎలా ఉండాలనే దానిపై శిక్షణ ఇస్తున్నారు.
స్కూల్లో చిన్నారులకు కర్టసీ పాఠాలను బోధిస్తున్న వీడియోను ఐఏఎస్ అధికారి అవనీష్ శరణ్ ట్విట్టర్లో షేర్ చేశారు. ఈ వీడియోలో బస్లో ప్రయాణించే వివిధ ప్రయాణీకుల పాత్రల్లో పిల్లలు కనిపించి తమ నటనతో ఆకట్టుకున్నారు. కర్టసీ లెసన్స్లో భాగంగా చిన్నారులు అవసరార్ధులకు తాము కూర్చున్న సీట్లను ఆఫర్ చేయడం కనిపిస్తుంది.
This is a ‘courtesy lesson’ taught to elementary school children in Japan. pic.twitter.com/07VKivGZe9
— Awanish Sharan (@AwanishSharan) December 8, 2022
జపాన్లో ఎలిమెంటరీ స్కూల్ చిన్నారులకు కర్టసీ పాఠాలు బోధిస్తున్నారని పోస్ట్కు క్యాప్షన్ ఇచ్చారు. ఈ వీడియోను ఇప్పటివరకూ రెండు లక్షల మంది వీక్షించారు. ఇది అన్ని వయసులు, వర్గాల ప్రజలకు అవసరమైన కీలక పాఠమని పలువురు నెటిజన్లు ప్రశంసించగా పిల్లలు ఎప్పుడూ బుక్స్తో కుస్తీ పట్టకుండా ఇలాంటి బేసిక్ లెసన్స్ కూడా నేర్చుకోవాలని మరికొందరు కామెంట్ చేశారు.