న్యూఢిల్లీ : ప్లాస్టిక్ మన జీవితంలో భాగంగా మారిందంటే అతిశయోక్తి కాదు. నిద్ర లేచింది మొదలు టూత్బ్రష్ నుంచి తాగునీరు కోసం వాడే టంబ్లర్స్ వరకూ ప్రతి ఒక్కటీ ప్లాస్టిక్తో తయారైన వస్తువులే వాడుతుంటాం. దైనందిన జీవితంలో ప్లాస్టిక్ వాడకాన్ని తగ్గించే ప్రయత్నాలు జరుగుతున్నా ఇంకా చాలా మందికి ఇది కష్టతరమైన టాస్క్గానే ఉంది.
When humans become slaves of throwaway plastic the price is paid by wild animals. Its a tragedy beyond measure 😢
Video – shared #stopplasticpollution #ClimateCrisis pic.twitter.com/FSPCbmkIEV— Supriya Sahu IAS (@supriyasahuias) November 18, 2022
ఇక ప్లాస్టిక్ వ్యాప్తి, దాని దుష్ప్రభావాలు ఎలా ఉన్నాయనే విషయం వెల్లడిస్తూ ఐఏఎస్ అధికారి సుప్రియా సాహు సోషల్ మీడియాలో షేర్ చేసిన వీడియో అందరిలో ఆలోచన రేకెత్తిస్తోంది. ఈ వీడియోలో ఏనుగు ప్లాస్టిక్ నములుతూ కనిపించింది. మనం వాడి పడేసిన ప్లాస్టిక్ను ఇలాంటి జంతువులు తెలిసీతెలియక నమలడం, తినడం చేస్తుంటాయి.
ఆకలితో ఉన్న పశువులు ప్లాస్టిక్ పర్యవసానాలు తెలియక దాన్ని ఆహారంగా స్వీకరిస్తున్నాయి. మనుషులు ప్లాస్టిక్కు బానిసలై దాన్ని వాడి పారేస్తుంటే వన్యప్రాణులు అందుకు మూల్యం చెల్లిస్తున్నాయని ఈ వీడియోకు క్యాప్షన్గా ఇచ్చారు. ఈ వీడియోను చూసిన నెటిజన్లు పెద్దసంఖ్యలో రియాక్టయ్యారు.