Visit:
బెంగళూరు: తన వద్ద చాలా డబ్బులున్నాయని, మూడు లక్షల మంది విద్యార్థులను చదివిస్తానని కర్ణాటకకు చెందిన కాంగ్రెస్ నేత యూసఫ్ షరీఫ్ తెలిపారు. తాను చాలా కష్టపడ్డానని, ఇప్పుడు తనకు తగినంత డబ్బు ఉన్నదని చెప్పారు. ఈ నేపథ్యంలో తన స్నేహితులు, నియోజకవర్గం, సొంత గ్రామంతోపాటు బెంగళూరు కోసం ఏదైనా చేయాలనుకుంటున్నట్లు గురువారం ఏఎన్‌ఐ వార్తా సంస్థతో అన్నారు. ఆరు నియోజకవర్గాల్లో 3 లక్షల మంది విద్యార్థులను చదివించాలనుకుంటున్నట్లు ఆయన వెల్లడించారు.
కాగా, తన వ్యాపారాలన్నీ చట్టబద్ధమైనవేనని కాంగ్రెస్ నేత యూసఫ్ షరీఫ్ తెలిపారు. ప్రతి ఆస్తిని చట్టబద్ధంగా కొనుగోలు చేసి అమ్ముతానని చెప్పారు. తాను సంపాదించే డబ్బు మొత్తానికి డిక్లరేషన్ ఇచ్చానని, ప్రతిదానికీ పన్ను కూడా చెల్లించినట్లు వివరించారు. తనకు ఎలాంటి ప్రైవేట్ వ్యాపారం లేదన్నారు. ఏక మొత్తంలో ఆస్తిని కొనుగోలు చేసి విక్రయిస్తానని, అలా చాలా డబ్బు సంపాదించినట్లు వెల్లడించారు.
