Heavy Rain | తడిసి ముద్దైన దేశ రాజధాని ఢిల్లీ

Heavy Rain | దేశ రాజధాని ఢిల్లీ (Delhi) తడిసి ముద్దైంది. శుక్రవారం ఉదయం ఢిల్లీ-ఎన్సీఆర్‌ (Delhi-NCR)ప్రాంతంలో ఈదురు గాలులతో కూడిన భారీ వర్షం (Heavy Rain) కురిసింది. దీంతో రాజధాని నగరంలోని అనేక ప్రాంతాలు పూర్తిగా జలమయమయ్యాయి.

September 15, 2023 / 10:36 AM IST

Heavy Rain | తడిసి ముద్దైన దేశ రాజధాని ఢిల్లీ

Heavy Rain | దేశ రాజధాని ఢిల్లీ (Delhi) తడిసి ముద్దైంది. శుక్రవారం ఉదయం ఢిల్లీ-ఎన్సీఆర్‌ (Delhi-NCR)ప్రాంతంలో ఈదురు గాలులతో కూడిన భారీ వర్షం (Heavy Rain) కురిసింది. దీంతో రాజధాని నగరంలోని అనేక ప్రాంతాలు పూర్తిగా జలమయమయ్యాయి. రోడ్లపై వర్షపు నీరు మోకాలి లోతు ప్రవహించడంతో వాహనాల రాకపోకలకు తీవ్ర అంతరాయం ఏర్పడింది. దీంతో ట్రాఫిక్‌ నిలిచిపోయి ప్రజలు తీవ్ర అవస్థలు పడ్డారు. నైరుతి ఢిల్లీలోని వసంత్‌ విహార్‌, మునిర్కా, ఆర్కేపురం సహా పలు ప్రాంతాల్లో ఈ రోజు తెల్లవారుజామున తేలికపాటి వర్షం కురిసింది. మరోవైపు వచ్చే ఐదురోజులపాటు నగర వ్యాప్తంగా తేలికపాటి నుంచి మోస్తరు వర్షాలు కురిసే అవకాశం ఉందని భారత వాతావరణ శాఖ (IMD) వెల్లడించింది.