Heavy Rain | ముంబైకి రెడ్ అలర్ట్ .. అత్యవసరమైతే తప్ప బయటకు రావొద్దన్న బీఎంసీ

Heavy Rain | మహారాష్ట్ర ముంబై (Mumbai)ని భారీ వర్షాలు (Heavy Rains) ముంచెత్తుతున్నాయి. గత 24 గంటల్లో ముంబై నగరం సహా శివారు ప్రాంతంలో భారీ నుంచి అతి భారీ వర్షం కురిసిందని అధికారులు తెలిపారు

Heavy Rain | మహారాష్ట్ర ముంబై (Mumbai)ని భారీ వర్షాలు (Heavy Rains) ముంచెత్తుతున్నాయి. గత 24 గంటల్లో ముంబై నగరం సహా శివారు ప్రాంతంలో భారీ నుంచి అతి భారీ వర్షం కురిసిందని అధికారులు తెలిపారు. గురువారం ఉదయం నుంచి కూడా ఎడతెరిపి లేని భారీ వర్షం కురుస్తున్నట్లు తెలిపారు.

మరోవైపు నేడు నగరంలో భారీ నుంచి అతి భారీ వర్షాలు కురిసే అవకాశం ఉందని ముంబై కేంద్రంగా పనిచేసే భారత వాతావరణ శాఖ (IMD) అంచనా వేసింది. ఈ మేరకు మహానగరానికి రెడ్ అలర్ట్ (Red Alert) జారీ చేసింది.

భారీ వర్షాల నేపథ్యంలో మహా అధికారులు అప్రమత్తమయ్యారు. బృహన్ ముంబై మున్సిపల్ కార్పొరేషన్ (BMC) గురువారం అన్ని ప్రభుత్వ, ప్రైవేట్ పాఠశాలలు కళాశాలలకు సెలవు ప్రకటించింది. ప్రజలంతా అప్రమత్తంగా ఉండాలని, అత్యవసరమైతే తప్ప ఇళ్ల నుంచి బయటకు రావొద్దని సూచించింది.

కాగా, గత 24 గంటల్లో ముంబైలో 223.2 మిల్లీమీటర్ల అత్యంత భారీ వర్షపాతం నమోదైనట్లు ఐఎండీ తెలిపింది. ఛత్రపతి శివాజీ మహారాజ్ టెర్మినస్ లో 153.5 మి.మీటర్లు, రామమందిర్ ప్రాంతంలో 161 మి.మీటర్లు, బైకుల్లాలో 119 మి. మీటర్లు, సియోన్ ప్రాంతంలో 112 మి.మీటర్లు, బాంద్రాలో 106 మి.మీటర్ల వర్షపాతం నమోదైనట్లు ఐఎండీ అధికారులు వెల్లడించారు. రాబోయే 24 గంటల్లో ముంబై నగరం సహా శివారు ప్రాంతాల్లో భారీ నుంచి అతి భారీ వర్షాలు కురుస్తాయని తెలిపింది. అదే సమయంలో గంటకు 45-55 కిలోమీటర్ల వేగంతో గాలులు వచే అవకాశం ఉందని అంచనా వేసింది.

Also Read..

Cargo Ship | 3 వేల కార్లతో వెళ్తున్న కార్గో షిప్ లో అగ్నిప్రమాదం.. సముద్రంలోకి దూకి ప్రాణాలు కాపాడుకున్న సిబ్బంది

Speeding Car | షాకింగ్.. బైక్ ను ఢీ కొట్టి.. విద్యార్థినులపైకి దూసుకెళ్లిన కారు

Mulugu | ములుగు జిల్లాలో ఏకధాటిగా కురుస్తున్న వర్షాలు.. పస్రా-తాడ్వాయి మధ్య కొట్టుకుపోయిన ఎన్‌హెచ్‌ 163