హాథ్రస్‌ ఘటనలో కుట్ర కోణాన్ని కొట్టిపారేయలేం

హాథ్రస్‌లో తొక్కిసలాట ఘటనపై సిట్‌ మంగళవారం తన నివేదికను రాష్ట్ర ప్రభుత్వానికి సమర్పించింది. హాథ్రస్‌ ఘటనలో నిర్వహణాపరమైన లోపాలు ఉన్నాయని పేర్కొన్న నివేదిక.. ఇదే సమయంలో ఘటన వెనుక ‘భారీ కుట్ర’ కోణాన్ని కూడా కొట్టిపారేయలేమని పేర్కొన్నది.

• సత్సంగ్‌ తొక్కిసలాటకు నిర్వాహకులే బాధ్యులు
• యూపీ ప్రభుత్వానికి సిట్‌ నివేదిక

లక్నో, జూలై 9: హాథ్రస్‌లో తొక్కిసలాట ఘటనపై సిట్‌ మంగళవారం తన నివేదికను రాష్ట్ర ప్రభుత్వానికి సమర్పించింది. హాథ్రస్‌ ఘటనలో నిర్వహణాపరమైన లోపాలు ఉన్నాయని పేర్కొన్న నివేదిక.. ఇదే సమయంలో ఘటన వెనుక ‘భారీ కుట్ర’ కోణాన్ని కూడా కొట్టిపారేయలేమని పేర్కొన్నది.

ఈ విషాద ఘటనకు నిర్వాహకులే బాధ్యులని పేర్కొన్నది. భోలే బాబా పేరును ఎక్కడా ప్రస్తావించకుండా ఓ విధంగా ఆయనకు సిట్‌ క్లీన్‌చిట్‌ ఇచ్చింది. కాగా, భోలే బాబాకు సంబంధించి విస్తుపోయే విషయాలు వెలుగులోకి వస్తున్నాయి. రాజస్థాన్‌లోని ఆశ్రమంలో భోలే బాబా ఉన్న సమయంలో మహిళా భక్తులను మాత్రమే ఆశ్రమంలోకి అనుమతించే వారని గ్రామస్తులు చెబుతున్నారు.