వైర‌ల్ వీడియో : కిషోర్ కుమార్ ఎవ‌ర్‌గ్రీన్ సాంగ్‌ను షేర్ చేసిన‌ హ‌ర్ష్ గోయంకా

కొన్ని పాట‌లు కాలానికి అతీతంగా ఎవ‌ర్‌గ్రీన్ హిట్స్‌గా ప్రేక్ష‌కుల మ‌న‌సుల్లో చెర‌గ‌ని ముద్ర వేస్తాయి.  పారిశ్రామిక‌వేత్త హ‌ర్ష్ గోయంకా కిషోర్ కిమార్ ఆల్‌టైం హిట్ సాంగ్ యే క్యా హువా ఎవర్‌గ్రీన్ సాంగ్‌ను ప్రేక్ష‌కుల‌కు గుర్తుచేశారు.

న్యూఢిల్లీ : కొన్ని పాట‌లు కాలానికి అతీతంగా ఎవ‌ర్‌గ్రీన్ హిట్స్‌గా ప్రేక్ష‌కుల మ‌న‌సుల్లో చెర‌గ‌ని ముద్ర వేస్తాయి.  పారిశ్రామిక‌వేత్త హ‌ర్ష్ గోయంకా కిషోర్ కిమార్ ఆల్‌టైం హిట్ సాంగ్ యే క్యా హువా ఎవర్‌గ్రీన్ సాంగ్‌ను ప్రేక్ష‌కుల‌కు గుర్తుచేశారు. మ్యూజిక్ మ్యాస్ట్రో స్వ‌యంగా ఆల‌పించిన ఈ పాట హిందీ, బెంగాలీ వెర్ష‌న్ల వీడియోను హ‌ర్ష్ గోయంకా షేర్ చేశారు.

Some tunes are so magical, be it in whatever language – in this case in Hindi/Bengali. pic.twitter.com/ZLC0ku3X0p

— Harsh Goenka (@hvgoenka) February 12, 2023

రాజేష్ ఖ‌న్నా, ష‌ర్మిలా ఠాగూర్‌ల మూవీ అమ‌ర్ ప్రేమ్ నుంచి హిందీ వెర్ష‌న్ వీడియోను, ఉత్త‌మ్ కుమార్ రాజ్‌కుమారి మూవీ నుంచి బెంగాలీ సాంగ్‌ను గోయంకా షేర్ చేశారు. భాష‌తో నిమిత్తం లేకుండా ఈ పాట‌లు ప్రేక్ష‌కుల‌ను ఎలా రంజింప‌చేశాయ‌ని రెండు వీడియోల‌ను ట్విట్ట‌ర్‌లో షేర్ చేస్తూ ఆయ‌న రాసుకొచ్చారు.

కొన్ని ట్యూన్స్ అవి ఏ భాష‌లో ఉన్నా అద్భుతంగా ఆక‌ట్టుకుంటాయి..ఇక్క‌డ హిందీ, బెంగాలీ..అని వీడియోకు క్యాప్ష‌న్ ఇచ్చారు. హ‌ర్ష్ గోయంకా గ్రాండ్ ఓల్డ్ మెల‌డీస్ రోజుల్లోకి తీసుకెళ్ల‌గా నెటిజ‌న్లు సైతం కిషోర్ కుమార్ గానామృతంపై ప్ర‌శంస‌లు గుప్పించారు. రాజేష్ ఖ‌న్నా, ఉత్తం కుమార్‌ల‌కు వాయిస్ మాడ్యులేష‌న్‌తో కిషోర్ కుమార్ పాడిన తీరు అద్భుత‌మ‌ని కొనియాడారు. ముగ్గురు లెజెండ్స్‌ను గోయంకా గుర్తుచేశార‌ని యూజ‌ర్లు ప్ర‌శంసించారు.