Watch: డ్యాన్స్‌ చేస్తున్న గుంపుపై పడిన భారీ మ్యూజిక్‌ సిస్టమ్‌.. పలువురికి గాయాలు

Giant Music System Falls | డ్యాన్స్‌ చేస్తున్న గుంపుపై భారీ మ్యూజిక్‌ సిస్టమ్ పడింది. (Giant Music System Falls) ఈ నేపథ్యంలో పలువురు యువకులు గాయపడ్డారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఉత్తరప్రదేశ్‌లోని అజంగఢ్‌ జిల్లాలో ఈ సంఘటన జరిగింది.

లక్నో: డ్యాన్స్‌ చేస్తున్న గుంపుపై భారీ మ్యూజిక్‌ సిస్టమ్ పడింది. (Giant Music System Falls) ఈ నేపథ్యంలో పలువురు యువకులు గాయపడ్డారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఉత్తరప్రదేశ్‌లోని అజంగఢ్‌ జిల్లాలో ఈ సంఘటన జరిగింది. ఫూల్‌పూర్‌లో దసరా అనంతరం దుర్గామాత విగ్రహం నిమజ్జనం కోసం ఊరేగింపు నిర్వహించారు. ఈ సందర్భంగా ఒక వాహనంపై భారీ డీజే మ్యూజిక్‌ సిస్టమ్‌ ఏర్పాటు చేశారు. దాని ముందు కొందరు యువకులు డ్యాన్స్‌ చేశారు.

కాగా, వాహనం కుదుపులకు భారీ డీజే మ్యూజిక్‌ సిస్టమ్‌ పలుమార్లు ఊగింది. అయితే ఆ వాహనం స్పీడ్‌ బ్రేకర్‌ దాటినప్పుడు ఆ భారీ మ్యూజిక్‌ సిస్టమ్‌ పడిపోయింది. ఆ సమయంలో అక్కడ డ్యాన్స్‌ చేస్తున్న యువకులు దాని కింద చిక్కుకున్నారు. ఈ ప్రమాదంలో నలుగురు గాయపడ్డారు. వారిని ఆసుపత్రికి తరలించి చికిత్స అందించారు.

మరోవైపు ఈ సంఘటనపై పోలీసులు స్పందించారు. డీజే మ్యూజిక్‌ సిస్టమ్‌కు చెందిన వారితోపాటు ఊరేగింపు నిర్వాహకులు, వాహనం డ్రైవర్‌పై కేసు నమోదు చేసినట్లు పోలీస్‌ అధికారి తెలిపారు. కాగా, భారీ మ్యూజిక్‌ సిస్టమ్‌ గుంపుపై పడిన వీడియో క్లిప్‌ సోషల్‌ మీడియాలో వైరల్‌ అయ్యింది.

https://twitter.com/yauvani_1/status/1718886786968035676?ref_src=twsrc%5Etfw%7Ctwcamp%5Etweetembed%7Ctwterm%5E1718886786968035676%7Ctwgr%5E7ac56a9b3a74d28ba6749a2ffe01bd3e565f1fa5%7Ctwcon%5Es1_c10&ref_url=https%3A%2F%2Fwww.ndtv.com%2Findia-news%2Fvideo-giant-music-system-falls-on-crowd-in-azamgarh-4-injured-4527737