కశ్మీరీలను పాకిస్థాన్‌ కాపాడుతున్నది

నేషనల్‌ కాన్ఫరెన్స్‌(ఎన్‌సీ) అధ్యక్షుడు ఫరూక్‌ అబ్దుల్లా మరోమారు వివాదాస్పద వ్యాఖ్యలు చేశారు.

• ఫరూఖ్‌ అబ్దుల్లా వివాదాస్పద వ్యాఖ్యలు
• దేశద్రోహంగా అభివర్ణించిన బీజేపీ

శ్రీనగర్‌: నేషనల్‌ కాన్ఫరెన్స్‌(ఎన్‌సీ) అధ్యక్షుడు ఫరూక్‌ అబ్దుల్లా మరోమారు వివాదాస్పద వ్యాఖ్యలు చేశారు. బారాముల్లాలో జరిగిన పార్టీ కార్యకర్తల సమావేశంలో మాట్లాడుతూ అంతర్జాతీయ వేదికలపై కశ్మీర్‌ సమస్యను లేవనెత్తుతూ, పాకిస్థాన్‌ ఇక్కడి ప్రజలను కాపాడుతున్నదని వ్యాఖ్యానించారు.

ఈ ప్రాంతంపై కేంద్ర ప్రభుత్వ ఉద్దేశాలు సరిగా లేవని, బీజేపీ పాలిత రాష్ర్టాల్లో మైనారిటీల ఆస్తులు, ప్రార్థనా మందిరాలను లక్ష్యంగా చేసుకుని కూల్చివేతలు చేపడుతున్నారని ఆరోపించారు. ఈ నేపథ్యంలో దేశంలోని ముస్లింలంతా ఐక్యంగా నిలవాలని ఫరూక్‌ అబ్దులా పిలుపునిచ్చారు. ఈ వ్యాఖ్యలపై బీజేపీ తీవ్రంగా మండిపడింది. జే అండ్‌ కే బీజేపీ చీఫ్‌ సత్‌ శర్మ ఆయన వ్యాఖ్యలను దేశద్రోహంగా అభివర్ణించారు.