హెచ్‌-4 ఈఏడీ వర్క్‌ పర్మిట్‌కు మంగళం?

అమెరికాలో హెచ్‌-1బీ వీసాదారుల జీవిత భాగస్వాములకు ఉపాధి అనుమతిని రద్దు చేయడానికి ఒక కొత్త నిబంధనను తీసుకురావాలని డొనాల్డ్‌ ట్రంప్‌ ప్రభుత్వం యోచిస్తున్నది. ట్రంప్‌ ప్రభుత్వం ప్రతిపాదిస్తున్న ఈ చర్య భారతీయ హెచ్‌-1బీ నిపుణులను గణనీయంగా ప్రభావితం చేసే అవకాశం ఉన్నది. వీరిలో చాలా మంది జీవిత భాగస్వాములు హెచ్‌-4 వీసాలను కలిగి ఉన్నారు.

• ట్రంప్‌ సర్కార్‌ కొత్త ప్రతిపాదన
• అమలైతే హెచ్‌-1బీ వీసాదారుల జీవిత భాగస్వాములకు ఉద్యోగ ముప్పు

న్యూఢిల్లీ, ఆగస్టు 31: అమెరికాలో హెచ్‌-1బీ వీసాదారుల జీవిత భాగస్వాములకు ఉపాధి అనుమతిని రద్దు చేయడానికి ఒక కొత్త నిబంధనను తీసుకురావాలని డొనాల్డ్‌ ట్రంప్‌ ప్రభుత్వం యోచిస్తున్నది. ట్రంప్‌ ప్రభుత్వం ప్రతిపాదిస్తున్న ఈ చర్య భారతీయ హెచ్‌-1బీ నిపుణులను గణనీయంగా ప్రభావితం చేసే అవకాశం ఉన్నది. వీరిలో చాలా మంది జీవిత భాగస్వాములు హెచ్‌-4 వీసాలను కలిగి ఉన్నారు.

అంతేగాక అమెరికాలో పనిచేసేందుకు అనుమతించే ఎంప్లాయ్‌మెంట్‌ ఆథరైజేషన్‌ డాక్యుమెంట్లు(ఈఏడీ) వారికి జారీ అయ్యాయి. 2014 నుంచి 2017 వరకు నమోదైన హెచ్‌-4 ఈఏడీ దరఖాస్తుల గణాంకాలను పరిశీలిస్తే వాటిలో 93 శాతం మంది భారతీయ పౌరులేనని, అలాగే వారిలో 94 శాతం మంది మహిళలేనని తేలింది. రెజ్‌ఇన్ఫో.గవ్‌ వెబ్‌సైట్‌లో :ఆఫీస్‌ ఆఫ్‌ ఇన్ఫర్మేషన్‌ అండ్‌ రెగ్యులేటరీ అఫైర్స్‌ పరిధిలో పొందుపరిచిన ఈ ప్రతిపాదనకు ఉపాధి అనుమతికి అర్హులైన పౌరేతరుల వర్గాల నుంచి హెచ్‌-4 డిపెండెంట్‌ జీవిత భాగస్వాములను తొలగించడం అని పేరు పెట్టారు.

కొత్తగా నియమించుకునే వారిని 1,03,265 డాలర్ల(సుమారు రూ.98.25 లక్షలు) రుసుమును విధించాలని డీహెచ్‌ఎస్‌ ఇటీవల ప్రతిపాదించగా ఉద్యోగం కోల్పోయిన తరవాత హెచ్‌-1బీ వీసాపై ఉన్న నిపుణులు కొత్త స్పాన్సర్‌షిప్‌ వెతుక్కోవడానికి ఇచ్చే 60 రోజుల గడువును తొలగించే ప్రతిపాదనకు వైట్‌ హౌస్‌ ఆమోదం తెలిపింది. కాగా ఈ ప్రతిపాదిత నిబంధనను అమలు చేసే దిశగా ముందుకు సాగితే అర్హత కలిగిన హెచ్‌-1బీ వీసాదారుల జీవిత భాగస్వాములు ప్రస్తుత హెచ్‌-4ఈఏడీ విధానం కింద ఉద్యోగ అనుమతిని పొందే లేదా దాన్ని కొనసాగించే అవకాశాన్ని కోల్పోవచ్చు.