చండీగఢ్: ఒక వృద్ధుడ్ని ఆవు రోడ్డుపై ఈడ్చుకెళ్లింది. (Cow Drags Elderly Man on Road) ఎవరూ కూడా దానిని నియంత్రించలేకపోయారు. దీంతో రోడ్డు దెబ్బలతోపాటు పలు వాహనాలు తగలడంతో తీవ్రంగా గాయపడిన ఆ వృద్ధుడు మరణించాడు. అయితే వృద్ధుడ్ని రోడ్డుపై ఆవు ఈడ్చికెళ్లిన వీడియో క్లిప్ సోషల్ మీడియాలో వైరల్ అయ్యింది. పంజాబ్లోని మొహాలీ జిల్లాలో ఈ సంఘటన జరిగింది. భయంతో పరుగులు తీసిన ఆవు ఒక ఇంట్లోకి ప్రవేశించింది. దానిని అదుపు చేసేందుకు 83 ఏండ్ల సరూప్ సింగ్ ప్రయత్నించాడు. అయితే ఆవు మెడకు ఉన్న తాడు అతడి చేతికి చుట్టుకుపోయింది.
కాగా, నియంత్రణ కోల్పోయిన ఆ ఆవు అక్కడి రోడ్డుపై పరుగులు తీసింది. ఈ నేపథ్యంలో చేతికి తాడు చుట్టుకోవడంతో సరూప్ సింగ్ను సుమారు వంద మీటర్ల దూరం రోడ్డుపై ఈడ్చుకెళ్లింది. దీంతో రోడ్డు దెబ్బలతోపాటు పలు వాహనాలు కూడా ఆ వృద్ధుడికి తగిలాయి. తీవ్రంగా గాయపడంతో అతడు చనిపోయాడు. పోలీసులు ఈ సంఘటనపై కేసు నమోదు చేసి దర్యాప్తు చేస్తున్నారు. మరోవైపు ఆ ప్రాంతంలోని సీసీటీవీలో రికార్డైన ఈ వీడియో క్లిప్ సోషల్ మీడియాలో వైరల్ అయ్యింది.
Elderly man dies after stray cow drags him for about 100 meters, collides with several vehicles in Punjab's Mohali.
The deceased was identified as 83-year-old Saroop Singh.#Punjab #Mohali pic.twitter.com/kCuRcpDAMM
— Vani Mehrotra (@vani_mehrotra) September 2, 2023