న్యూయార్క్ : అత్యంత ఖరీదైన కారు లంబోర్గినిని సొంతం చేసుకోవాలని ఎందరో కలలు కంటారు. రాత్రింబవళ్లు పనిచేసి కొందరు తమ కలను సాకారం చేసుకుంటే మరికొందరు కలల కారు (Viral Video) కోసం దశాబ్ధాల పాటు శ్రమిస్తుంటారు. ఓ వ్యక్తి తన రిటైర్మెంట్ తర్వాత లగ్జరీ లంబోర్గినిని కొనుగోలు చేసి మురిసిపోయిన వీడియో ప్రస్తుతం నెట్టింట తెగ వైరలవుతోంది.
When you buy Lambo after retirement. pic.twitter.com/M5Z4UhDIgq
— Figen (@TheFigen_) July 27, 2023
ఈ వీడియోను ది ఫైజెన్ ట్విట్టర్లో షేర్ చేసింది. ఈ క్లిప్లో పెద్దాయన తన ముఖంలో చిరునవ్వుతో బ్రాండ్ న్యూ లంబోర్గిని నుంచి దిగడం కనిపిస్తుంది. ఈ వృద్ధుడు రిటైర్మెంట్ అనంతరం ఖరీదైన కారును కొనుగోలు చేయగా ఆయన ముఖంలో చిరునవ్వులు పూయడం వీడియోలో చూడొచ్చు. కారు నుంచి బయటకు వచ్చేందుకు వృద్ధుడు కష్టపడటం కనిపిస్తుంది.
ఎట్టకేలకు కారు నుంచి బయటపడిన పెద్దాయన కలల కారును సొంతం చేసుకున్న ఆనందంలో గ్రౌండ్ను ముద్దాడటంతో పాటు నేలపై మూడు సార్లు గట్టిగా కొడతాడు. రిటైర్మెంట్ తర్వాత మీరు లంబోర్గిని కొనుగోలు చేస్తే..అని వీడియోకు క్యాప్షన్ ఇచ్చారు. ఈ భావోద్వేగ వీడియోకు ట్విట్టర్లో ఏకంగా 60 లక్షలకుపైగా వ్యూస్ లభించాయి. పెద్దాయన తాను కోరుకున్నది సాధించడం పట్ల నెటిజన్లు సంతోషం వ్యక్తం చేశారు.
Read More :