Pawan kalyan Fans | భాష ఏదైనా సినిమా నచ్చితే నెత్తిన పెట్టుకోవడం తెలుగు ప్రేక్షకులకే చెల్లింది. హీరో మనవాడా, డైరెక్టర్ మనవాడా అని తేడాలు లేకుండా అన్ని సినిమాలను మనవాళ్లు ఆదరిస్తుంటారు. ముఖ్యంగా మనవాళ్లు తమిళ సినిమాలను తెగ ఆదరిస్తుంటారు. ఆ ఇండస్ట్రీ హీరోలను మన హీరోలుగా చెప్పుకుంటుంటారు. కానీ తమిళ బ్యాచ్ మాత్రం ఎప్పుడు తెలుగు సినిమాలను తక్కువ చేస్తూనే ఉంటారు. దీనిపై సోషల్ మీడియాలో ఎన్నో సార్లు చర్చలు కూడా జరిగాయి. రజనీ, కమల్, సూర్య సహా తమిళ హీరోల్లో చాలా మందికి ఇక్కడ తిరుగులేని ఫ్యాన్ ఫాలోయింగ్ ఉంది. కానీ అక్కడ వాళ్లు మాత్రం ఎప్పుడు మన హీరోలను ట్రోల్ చేస్తూనే ఉంటారు.
కాగా తాజాగా అరవ బ్యాచ్ చేసిన ఓ వీడియో పవన్ ఫ్యాన్స్ను తీవ్ర ఆగ్రహానికి గురి చేస్తుంది. వారం కిందట జరిగిన బ్రో ప్రీ రిలీజ్ వేడుకలో పవన్.. తమిళంలో హాట్ టాపిక్గా నిలిచిన రూల్స్ గురించి మాట్లాడాడు. అది కూడా తప్పు పట్టేలాగా, కించపరిచేలాగా కాదు. కేవలం వాళ్లకు సూచనలు, విన్నపాలివ్వడం లాంటివి చేశాడు. మరి అది అర్ధంకాకో.. లేక అర్థం చేసుకునే మెచ్యూరిటీ లేకో కొంతమంది అరవ బ్యాచ్ అదే పనిగా బ్రో సినిమాను అడ్డం పెట్టుకుని తెగ ట్రోల్స్ చేస్తున్నారు.
ట్రోలింగ్ ఎంత మీతిమీరిందంటే తమ్ముడు సినిమాలోని ట్రావెలింగ్ సోల్జర్ పాట లిరిక్స్ ప్లేస్లో బ్రో రిజల్ట్, వారాహి రాజకీయ యాత్రని వెటకారం చేస్తూ ఇద్దరు యువకులు చేసిన వీడియో ఇప్పుడు సోషల్ మీడియాలో మాములు దుమారం రేపడం లేదు. అందులోనూ ఫిలిం కంపానియన్ అనే ఓ పెద్ద ఫిలిం వెబ్ ఛానల్ లోగో ఆ వీడియోలో కనిపించడం అందరిని ఆశ్యర్యానికి గురిచేస్తుంది. ప్రస్తుతం పవన్ ఫ్యాన్స్ ఆ వెబ్ ఛానల్ను ట్యాగ్ చేస్తూ అభిమానులకు క్షమాపణ చెప్పాల్సిందిగా కోరుతున్నారు.
సినిమా ఎలా ఉందో తమ అభిప్రాయాలను తెలపడం తప్పుకాదు కానీ.. ఇలా మితిమీరడం సరికాదని పోస్ట్లు పెడుతున్నారు. ముందు వెయ్య కోట్లు బొమ్మ కొట్టి చూపించమని, పొన్నియన్ సెల్వన్ అర్థమయ్యేటట్టు తీయమని పవన్ ఫ్యాన్స్ కౌంటర్లు వేస్తున్నారు.
😂😂#BroTheDisaster @FilmCompanion pic.twitter.com/cXZRYC3sZX
— Sunil (@sunil_hitler) July 29, 2023