Visit:
చెన్నై: దిత్వా తుఫాను తీరాన్ని సమీపిస్తున్న దృష్ట్యా తమిళనాడు, పుదుచ్చేరికి వాతావరణ శాఖ శనివారం రెడ్‌ అలర్ట్‌ జారీ చేసింది. తమిళనాడులోని కడలూరు, నాగపట్టణం, మయిలాడుతురై, విల్లుపురం, చెంగల్పట్టు జిల్లాలతోపాటు పుదుచ్చేరి-కారైకల్‌ ప్రాంతంలో భారీ వర్షాలు పడే అవకాశం ఉందని ఐఎండీ హెచ్చరికలు జారీ చేసింది. పుదుచ్చేరి, తమిళనాడులోని కోస్తా ప్రాంతాలలో ఇప్పటికే పెను గాలులు, వర్షం ప్రారంభమైంది. తమిళనాడు, పుదుచ్చేరిలోని చాలా ప్రాంతాలలో దిత్వా తుఫాను ప్రభావం చూపుతోందని, నెల్లూరు జిల్లాలో ఓ మోస్తరు వర్షం శనివారం పడిందని నెల్లూరు జిల్లా కలెక్టర్‌ మొగిలి వెంకటేశ్వర్లు తెలిపారు.
