Visit:
న్యూఢిల్లీ సెప్టెంబర్‌ 30: ఎన్‌పీఎస్‌ కింద పెన్షన్‌ పొందుతున్న కేంద్ర ప్రభుత్వ ఉద్యోగుల నుంచి సరైన స్పందన లేకపోవడంతో యూనిఫైడ్‌ పెన్షన్‌ స్కీమ్‌(యూపీఎస్‌)కి మారాలని భావించే వారికి నవంబర్‌ 30 వరకు గడువును కేంద్ర ఆర్థిక శాఖ మంగళవారం పొడిగించింది.
ముందుగా ప్రకటించిన ప్రకారం సెప్టెంబర్‌ 30న గడువు ముగియనుండగా దీన్ని మరో రెండు నెలలపాటు పొడిగిస్తూ ఆర్థిక శాఖ పరిధిలోని ఆర్థిక సేవల విభాగం పెన్షన్‌ ఫండ్‌ రెగ్యులేటరీ అండ్‌ డెవలప్‌మెంట్‌ అథారిటీ చైర్మన్‌కు సమాచారం అందచేసింది. ఉద్యోగుల నుంచి స్పందన అంతంతమాత్రంగా ఉన్న కారణంగా యూపీఎస్‌కి మారడానికి వారికి మరికొంత వ్యవధి ఇవ్వాలని ఆర్థిక శాఖ భావించింది.
