చెప్పుతో కొట్టాల్సింది..! రాందేవ్‌ బాబాపై సీపీఐ నారాయణ మండిపాటు

Ramdev Baba | ప్రముఖ యోగాగురువు బాబా రాందేవ్‌ మహిళలపై చేసిన వ్యాఖ్యలపై సీపీఐ జాతీయ కార్యదర్శి నారాయణ మండిపడ్డారు. మహిళలపై ఆయన చేసిన వ్యాఖ్యలను తప్పుపట్టిన ఆయన.. యోగా గురువుపై

హైదరాబాద్‌ : ప్రముఖ యోగాగురువు బాబా రాందేవ్‌ మహిళలపై చేసిన వ్యాఖ్యలపై సీపీఐ జాతీయ కార్యదర్శి నారాయణ మండిపడ్డారు. మహిళలపై ఆయన చేసిన వ్యాఖ్యలను తప్పుపట్టిన ఆయన.. యోగా గురువుపై చట్టపరమైన చర్యలు తీసుకోవాలని డిమాండ్‌ చేశారు. వ్యాఖ్యలు చేసిన సమయంలో మహిళలు అతన్ని చెప్పుతో కొట్టి బుద్ధి చెప్పాల్సిందన్నారు. యోగాను కార్పొరేట్‌ వ్యవస్థగా మార్చి పతాంజలి పేరుతో బాబా రాందేవ్‌ వ్యాపారం చేస్తున్నారని మండిపడ్డారు.

‘Women would look good even if they don’t wear anything: Baba Ramdev’s controversial statement sitting beside Amruta Fadnavis#ramdevbaba #AmrutaFadnavis #ViralVideos pic.twitter.com/e81PO6LTDG

— Mumbai Live (@MumbaiLiveNews) November 25, 2022

యోగా పేరుతో అందరితో సానుభూతి నటిస్తూ వెనుక నుంచి కార్పొరేట్‌ వ్యవస్థను నడుపుతున్నాడని విమర్శించారు. ఇదిలా ఉండగా.. ముబై మహిళా పతంజలి యోగా సమితి ఆధ్వర్యంలో థానేలో జరిగిన కార్యక్రమంలో పాల్గొన్నారు. మ‌హిళ‌లు చీర‌ల్లో బాగుంటార‌ని, స‌ల్వార్‌, సూట్స్‌లో కూడా బాగానే క‌నిపిస్తార‌ని, నా కళ్లయితే వాళ్లు దుస్తులు ధ‌రించ‌కున్నా బాగుంటార‌ని బాబా రాందేవ్ అంటూ నోరుజారారు. ఈ వ్యాఖ్యలపై సర్వత్రా విమర్శలు వ్యక్తమవుతున్నాయి.