Bike Romance: బైక్‌పై జంట రొమాన్స్‌.. వీడియోపై స్పందించిన ఢిల్లీ ట్రాఫిక్ పోలీసులు

Bike Romance: బైక్ ట్యాంక్‌పై కూర్చున్న అమ్మాయి.. ఆ బైక్‌ను రైడ్ చేస్తున్న అబ్బాయి హ‌త్తుకున్న‌ది. ఆ జంట య‌మ జాలీగా ఔట‌ర్ రింగు రోడ్డుపై షికార్లు కొట్టారు. ఢిల్లీలో జరిగిన ఈ ఘ‌ట‌న‌పై ట్రాఫిక్ పోలీసులు స్పందించారు.

న్యూఢిల్లీ: బైక్‌ల‌పై యువ జంట‌ల రొమాన్స్(Bike Romance) శృతి మీరుతోంది. దేశంలో ఇటీవ‌ల ప‌లు ప్రాంతాల్లో ఇలాంటి ఘ‌ట‌న‌లు జ‌రిగిన విష‌యం తెలిసిందే. తాజాగా ఢిల్లీలో ఓ యువ జంట బైక్‌పై రొమాన్స్ చేస్తున్న వీడియో రిలీజైంది. బైక్‌పై వెళ్తున్న ఆ జంట ప‌బ్లిక్‌గానే త‌మ ప్రేమ‌ను వ్య‌క్తం చేశారు. బైక్ ట్యాంక్‌పై కూర్చున్న అమ్మాయి.. రైడింగ్ చేస్తున్న వ్య‌క్తిని కౌగిలించుకున్న‌ది. అయితే ఔట‌ర్ రింగు రోడ్డు ఫైఓవ‌ర్‌పై వెళ్తున్న ఆ జంటను ఓ వ్య‌క్తి వీడియో తీశాడు. గాఢంగా హ‌త్తుకుని బైక్‌పై ఫుల్ ఎంజాయ్ చేస్తున్న ఆ జంట వీడియో ప్ర‌స్తుతం వైర‌ల్ అయ్యింది. దీనిపై ఢిల్లీ ట్రాఫిక్ పోలీసులు స్పందించారు. ట్రాఫిక్ ఉల్లంఘ‌న‌ల‌కు పాల్ప‌డిన వ్య‌క్త‌ల స‌మాచారాన్ని చేర వేసినందుకు పోలీసులు థ్యాంక్స్ తెలిపారు. ఢిల్లీ ట్రాఫిక్ పోలీసు సెంటిన‌ల్ యాప్‌కు ఇలాంటి ఘ‌ట‌న‌లు రిపోర్ట్ చేయాల‌ని సూచించారు. ఒక ట్విట్ట‌ర్ యూజ‌ర్లు మాత్రం త‌మ‌దైన స్ట‌యిల్‌లో ఆడేసుకుంటున్నారు. అమ్మాయి హెల్మెట్ పెట్టుకోలేద‌ని, వారిని అరెస్టు చేయాల‌ని కొంద‌రు నెటిజ‌న్లు డిమాండ్ చేశారు.

https://twitter.com/Buntea/status/1680593519923314688?s=20