క్రూయిజ్ షిప్ రెయిడ్ కేసులో కాంగ్రెస్ సంచలన ఆరోపణలు
Mumbai Cruise Raid | ముంబై తీరంలోని క్రూయిజ్ నౌకలో రేవ్ పార్టీపై నార్కొటిక్స్ బ్యూరో అధికారులు రెయిడ్ చేసిన కేసుపై కాంగ్రెస్ పార్టీ సంచలన ఆరోపణలు చేసింది. గుజరాత్లోని ముంద్రా పోర్టులో లభించిన డ్రగ్స్ విషయం నుంచి దృష్టి మళ్లించేందుకే

ముంబై: ముంబై తీరంలోని క్రూయిజ్ నౌకలో రేవ్ పార్టీపై నార్కొటిక్స్ బ్యూరో అధికారులు రెయిడ్ చేసిన కేసుపై కాంగ్రెస్ పార్టీ సంచలన ఆరోపణలు చేసింది. గుజరాత్లోని ముంద్రా పోర్టులో లభించిన డ్రగ్స్ విషయం నుంచి దృష్టి మళ్లించేందుకే రేవ్ పార్టీపై దాడి కేసును ఉపయోగించుకుంటున్నారని ఆరోపించింది. అలాగే గుజరాత్లో లభించిన డ్రగ్స్పై సుప్రీంకోర్టు పర్యవేక్షణలో దర్యాప్తు జరిపించాలని డిమాండ్ చేసింది. గుజరాత్లో అదానీ నడిపే ముంద్రా పోర్టులో 2,998 కిలోల డ్రగ్స్ లభించాయి. రెండు కంటైనర్లలో ఉన్న వీటిని డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్ఐ) అధికారులు స్వాధీనం చేసుకున్నారు.
ఇదిలా వుండగా, ముంబై నుంచి గోవా వెళ్తున్న ఒక క్రూయిజ్ నౌకలో జరిగిన రేవ్ పార్టీపై ఎన్సీబీ అధికారులు రెయిడ్ చేశారు. ఈ క్రమంలో బాలీవుడ్ స్టార్ హీరో షారుఖ్ఖాన్ తనయుడు ఆర్యన్ఖాన్ను అదుపులోకి తీసుకున్నారు. ఈ కేసుపై కాంగ్రెస్ ప్రతినిధి సామా మహమ్మద్ విమర్శలు గుప్పించారు. ‘‘సడెన్గా ఎన్సీబీ అధికారులు రంగంలోకి దిగారు. క్రూయిజ్ షిప్పై దాడి చేసి డ్రగ్స్ పట్టుకున్నారట. ఈ డ్రగ్స్ ఎక్కడి నుంచి వచ్చాయి?’’ అని ఆమె ప్రశ్నించారు. అసలు సమస్య నుంచి దృష్టి మరల్చేందుకే ఇలా చేస్తున్నారని ఆమె ఆగ్రహం వ్యక్తం చేశారు.
అఫ్ఘానిస్థాన్ నుంచి ముంద్రా పోర్టుకు చేరిన డ్రగ్స్ అసలు సమస్య అని ఆమె చెప్పారు. ఈ డ్రగ్స్తో వేర్పాటు వాద ముఠాలకు నిధులు చేరతాయని ఆరోపించిన ఆమె.. సుప్రీంకోర్టు పర్యవేక్షణలో ఈ కేసుపై దర్యాప్తు చేపట్టాలని డిమాండ్ చేశారు. తమ స్వరాష్ట్రంలో ఇంత భారీగా డ్రగ్స్ దొరికితే ప్రధాని నరేంద్ర మోదీగానీ, హోంమంత్రి అమిత్ షాగానీ ఎందుకు స్పందించడం లేదని ఆమె ప్రశ్నించారు. క్రూయిజ్ షిప్పై జరిగిన రెయిడ్ను తాము స్వాగతిస్తున్నామని మహారాష్ట్ర కాంగ్రెస్ ప్రతినిధి అతుల్ లోంధే అన్నారు.
అయితే ముంద్రా పోర్టు ఘటనను కప్పిపుచ్చేందుకే ఈ రెయిడ్ జరిగిందా? అనే అనుమానాలను లేవనెత్తారు. ఈ విషయంపై బీజేపీ నేత దేవేంద్ర ఫడ్నవీస్ స్పందించలేదు. క్రూయిజ్ నౌకపై రెయిడ్ గురించి పూర్తి వివరాలు తెలిసిన తర్వాతే తాను స్పందిస్తానని ఆయన స్పష్టం చేశారు.
Read Today's Latest National News in Telugu and Telugu News
RELATED ARTICLES
తాజా వార్తలు
Shiva Kandukuri | వివాహబంధంలోకి అడుగుపెట్టనున్న టాలీవుడ్ నటుడు శివ కందుకూరి.!
BRS Dharna | కోయిల్ సాగర్ ప్రాజెక్టు వద్ద బీఆర్ఎస్ ధర్నా.. నీటి తరలింపు ప్రతిపాదన విరమించుకోవాలని డిమాండ్
Harish Rao | దమ్ముంటే నువ్వే సిద్దిపేటలో నా మీద పోటీ చెయ్.. సీఎం రేవంత్ రెడ్డికి హరీశ్ రావు సవాల్
Negligence | ఇందిరమ్మ ఇళ్ల ప్రారంభోత్సవంలో అధికారుల నిర్లక్ష్యం..సర్పంచును పక్కనపెట్టి ప్రారంభోత్సవం
సాగర్ నీటి వనరుల పరిరక్షణ, ప్రాజెక్టు భద్రతపై రిటైర్డ్ ఇంజనీర్ల బృందం పరిశీలన
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

