Coffee | రోజూ కాఫీ తాగండి.. మరణ ముప్పును తగ్గించుకోండి!

ఎక్కువసేపు అదేపనిగా కూర్చోవడం వల్ల అనారోగ్య సమస్యలు దరిచేరుతాయన్నది అందరికీ తెలిసిన విషయమే. అయితే, ఎక్కువసేపు కూర్చున్నప్పటికీ రోజూ కాఫీ తాగడం వల్ల మరణ ముప్పును తగ్గించుకోవచ్చని తాజా అధ్యయనం ఒకటి తేల్చింది.

Coffee | న్యూఢిల్లీ: ఎక్కువసేపు అదేపనిగా కూర్చోవడం వల్ల అనారోగ్య సమస్యలు దరిచేరుతాయన్నది అందరికీ తెలిసిన విషయమే. అయితే, ఎక్కువసేపు కూర్చున్నప్పటికీ రోజూ కాఫీ తాగడం వల్ల మరణ ముప్పును తగ్గించుకోవచ్చని తాజా అధ్యయనం ఒకటి తేల్చింది. ఈ విషయంలో కాఫీ ఆశ్చర్యకరమైన ఆయుధంగా పనిచేస్తుందని పరిశోధకులు పేర్కొన్నారు. కాఫీ తాగని వారితో పోలిస్తే ఎక్కువసేపు కూర్చుని ఉన్నప్పటికీ, రోజూ కాఫీ తాగేవారు వివిధ కారణాల వల్ల చనిపోయే ముప్పు తక్కువగా ఉంటుందని వివరించారు.

10 వేలమందిపై జరిపిన అధ్యయనంలో ఈ విషయాలు వెల్లడయ్యాయి. నిశ్చల జీవనశైలి కలిగి కాఫీ అలవాటు ఉండేవారిలో హృద్రోగ సమస్యలతో మరణించే ముప్పు తక్కువగా ఉందని పరిశోధకులు తేల్చారు. అలాగే, ఎక్కువసేపు కూర్చుని ఉండి కాఫీ తాగని వారితో పోలిస్తే, రోజుకు 2.5 కప్పుల కంటే ఎక్కువ కాఫీ తాగే వారిలో మొత్తంగా మరణాల ముప్పు తక్కువగా ఉన్నట్టు పరిశోధకులు గుర్తించారు. ఈ అధ్యయన వివరాలు ‘సైన్స్‌ అలెర్ట్‌’లో ప్రచురితమయ్యాయి.

రోమన్‌ సమాధిలో 2 వేల ఏండ్ల నాటి రెడ్‌ వైన్‌..

స్పెయిన్‌లోని కర్మొనాలో గల ఒక రోమన్‌ సమాధిలో 2 వేల ఏండ్ల నాటి పురాతన రెడ్‌ వైన్‌ను పురావస్తు శాస్త్రవేత్తలు గుర్తించారు. దీంతో ప్రపంచంలోనే అత్యంత పురాతనమైన వైన్‌గా ప్రస్తుతం వరకు ఉన్న క్రీ.శ.4వ శతాబ్దం నాటిదిగా చెప్తున్న వైన్‌ రికార్డును ఈ రోమన్‌ వైన్‌ చేజిక్కించుకుంది.

పీహెచ్‌ విలువ తదితర అనేక రసాయన పరీక్షల అనంతరం తాజాగా కనుగొన్న ఈ పాత వైన్‌ స్వచ్ఛమైనదేనని శాస్త్రవేత్తలు నిర్ధారించారు. అయితే ఇది ఏ రకం వైన్‌ అనేది పరిశీలించడానికి నాటి శాంపిళ్లు ఏవీ లేవని తెలిపారు.పురుషుడి అస్థి పంజరం వైన్‌లో మునిగి ఉందని.. తద్వారా ఆ కాలంలో మహిళలు వైన్‌ తాగడంపై నిషేధం ఉందని వారు చెప్తున్నారు.