Abhijeet Dipke: సీజేపీ నేత అభిజీత్ దీప్కే నాన‌మ్మ మృతి

Abhijeet Dipke: అభిజీత్ దీప్కే ఇంట్లో విషాదం చోటుచేసుకున్న‌ది. అభిజీత్‌ను అరెస్టు చేసిన కొన్ని గంట‌ల్లోనే .. ఆయ‌న నాన‌మ్మ మృతిచెందారు. 85 ఏళ్లు సావిత్రిభాయ్ దీప్కే ఇవాళ మ‌ర‌ణించిన‌ట్లు మీడియా ద్వారా తెలిసింది. ఢిల్లీ విమానాశ్ర‌యంలో అభిజీత్‌ను అరెస్టు చేసిన విష‌యం తెలిసిందే.

న్యూఢిల్లీ: కాక్రోచ్ జ‌న‌తా పార్టీ వ్య‌వ‌స్థాప‌కుడు అభిజీత్ దీప్కే(Abhijeet Dipke)ను ఇవాళ ఢిల్లీ విమానాశ్ర‌యంలో అరెస్టు చేసిన విష‌యం తెలిసిందే. విమానంలో ఉన్న స‌మ‌యంలోనే అత‌న్ని పోలీసులు అదుపులోకి తీసుకున్నారు. జంత‌ర్ మంత‌ర్ వ‌ద్ద నిర‌స‌న‌లో పాల్గొనేందుకు ఆయ‌న ఢిల్లీ వ‌చ్చారు. అయితే దీప్కే ఇంట్లో విషాదం చోటుచేసుకున్న‌ది. అభిజీత్‌ను అరెస్టు చేసిన కొన్ని గంట‌ల్లోనే .. ఆయ‌న నాన‌మ్మ మృతిచెందారు. 85 ఏళ్లు సావిత్రిభాయ్ దీప్కే ఇవాళ మ‌ర‌ణించిన‌ట్లు కొన్ని మీడియా సంస్థ‌ల ద్వారా తెలిసింది. గ‌త కొన్ని రోజుల నుంచి సావిత్రిభాయ్ ఆరోగ్యం స‌రిగా లేదు. శ‌నివారం ఉద‌యం ఆమె హింగోలి జిల్లాలోని త‌న స్వ‌గ్రామం సంతుక్ పింప్రిలో ప్రాణాలు విడిచారు. సీఈసీ జ్ఞానేశ్ కుమార్‌కు వ్య‌తిరేకంగా ఇవాళ సీజేపీ నిర‌స‌న చేప‌ట్టాల్సి ఉన్న‌ది. అయితే ఆ నిర‌స‌న‌లో పాల్గొనేందుకు వ‌స్తున్న దీప్కేతో పాటు సౌర‌వ్ దాస్‌, ఆశుతోష్ రాంకాల‌ను అదుపులోకి తీసుకున్నారు.