Visit:
న్యూఢిల్లీ, నవంబర్‌ 30 : దేశ సర్వోన్నత న్యాయస్థానం సుప్రీంకోర్టులో కేసుల లిస్టింగ్‌ విధానాన్ని పూర్తిగా ప్రక్షాళన చేయనున్నారు. డిసెంబర్‌ 1వ తేదీ నుంచి కేసుల కొత్త లిస్టింగ్‌ విధానాన్ని సుప్రీం కోర్టు ప్రవేశపెడుతున్నది. సుప్రీం కోర్టు ప్రధాన న్యాయమూర్తి జస్టిస్‌ సూర్యకాంత్‌ కేసులను జాబితా చేయడానికి సవరించిన కొత్త విధానాన్ని ప్రవేశపెట్టారు.
స్వేచ్ఛకు సంబంధించిన విషయాలు, బెయిల్‌ పిటిషన్లకు ప్రాధాన్యత ఇవ్వడం, సీనియర్‌ న్యాయవాదుల ప్రస్తావనలను పరిమితం చేయడం, కక్షిదారులకు వేగవంతమైన, పారదర్శకమైన, ఊహించదగిన విచారణను నిర్ధారించడం ఇందులో ప్రధాన అంశాలు. డిసెంబర్‌ 1 నుంచి అమలులోకి రానున్న ఈ మార్పులకు సంబంధించిన విధి విధానాలను ఆదివారం నాలుగు సర్క్యులర్ల ద్వారా వెల్లడించారు. ఈ కొత్త విధానం ప్రకారం తాజా కేసులు ఆటోమేటిక్‌గా లిస్టు అయిపోతాయి.
