Parliament Security: సీఐఎస్ఎఫ్ చేతుల్లోకి పార్ల‌మెంట్ భ‌ద్ర‌త

Parliament Security : పార్ల‌మెంట్ భ‌ద్ర‌తా అంశం సెంట్ర‌ల్ ఇండ‌స్ట్రియ‌ల్ సెక్యూర్టీ ఫోర్స్ చేతుల్లోకి వెళ్లింది. ఢిల్లీ పోలీసుల‌కు బ‌దులుగా ఇక నుంచి సీఐఎస్ఎఫ్ ఆ భ‌ద్ర‌త‌ను చూసుకుంటుంది. లోప‌లికి ప్ర‌వేశించే వారిని సీఐఎస్ఎఫ్ ద‌ళాలే ఫ్రిస్కింగ్ చేయ‌నున్నాయి. పార్ల‌మెంట్ కాంప్లెక్స్ భ‌ద్ర‌తా బాధ్య‌త లోక్‌స‌భ సెక్ర‌టేరియేట్ చేతుల్లో ఉంటుంద‌ని ప్ర‌భుత్వం చెప్పింది.

న్యూఢిల్లీ: పార్ల‌మెంట్‌లో భ‌ద్ర‌త‌(Parliament Security)ను ఇక నుంచి సీఐఎస్ఎఫ్(CISF) చూసుకోనున్న‌ది. ఇటీవ‌ల పార్ల‌మెంట్‌లో భ‌ద్ర‌తా వైఫ‌ల్య ఘ‌ట‌న చోటుచేసుకున్న నేప‌థ్యంలో.. కేంద్ర ప్ర‌భుత్వం ఈ చర్య తీసుకున్న‌ది. పార్ల‌మెంట్ ఇక నుంచి కేంద్ర బ‌ల‌గాల చేతుల్లోకి వెళ్ల‌నున్న‌ది. ఇప్ప‌టి వ‌ర‌కు ఢిల్లీ పోలీసులు పార్ల‌మెంట్ భ‌ద్ర‌త అంశాన్ని చూసుకునేవారు. అయితే గ‌త వారం లోక్‌స‌భ‌లోకి ఇద్ద‌రు వ్య‌క్తులు వెళ్లి స్మోక్ అటాక్‌కు పాల్ప‌డిన విష‌యం తెలిసిందే. మ‌రో ఇద్ద‌రు వ్య‌క్తులు పార్ల‌మెంట్ ఆవ‌ర‌ణ‌లో క‌ల‌ర్ క్యాన్ల‌తో అల‌జ‌డి సృష్టించారు. ఈ నేప‌థ్యంలో భ‌ద్ర‌తా మార్పుపై ప్ర‌భుత్వం నిర్ణ‌యం తీసుకున్న‌ది. భ‌ద్ర‌తా వైఫ‌ల్యంపై ప్ర‌ధాని, హోంమంత్రి ప్ర‌క‌ట‌న చేయాల‌ని కోరుతూ పార్ల‌మెంట్ విప‌క్షాలు ఆందోళ‌న చేస్తున్న విష‌యం తెలిసిందే.

పార్ల‌మెంట్‌లోకి ప్ర‌వేశించే వారిని సీఐఎస్ఎఫ్ ద‌ళాలే ఫ్రిస్కింగ్ చేస్తాయి. పార్ల‌మెంట్ కాంప్లెక్స్ భ‌ద్ర‌తా బాధ్య‌త మొత్తం లోక్‌స‌భ సెక్ర‌టేరియేట్ చేతుల్లో ఉంటుంది. ఉన్న‌త స్థాయి క‌మిటీ చేసిన సూచ‌న ప్ర‌కారం భ‌ద్ర‌త‌ను సీఐఎస్ఎఫ్‌కు అప్ప‌గించారు.