‘అడ్రస్‌ మారితే ఓట్లు తొలగిస్తారా? పునరుద్ధరించండి’

గోవాలో ‘సర్‌' ప్రక్రియలో తొలగించిన ఆరుగురి పేర్లను తిరిగి ఓటరు జాబితాలో చేర్చాలని ఎన్నికల సంఘాన్ని బాంబే హైకోర్టు ఆదేశించింది. గోవాలోని శాంటా క్రూజ్‌ అసెంబ్లీ నియోజకవర్గానికి చెందిన పరేశ్‌ సాల్గావ్‌కర్‌, ఆయన కుటుంబ సభ్యుల పేర్లను 10 రోజుల్లోగా పునరుద్ధరించాలని స్పష్టం చేసింది.

పనాజీ, నవంబర్‌ 5: గోవాలో ‘సర్‌’ ప్రక్రియలో తొలగించిన ఆరుగురి పేర్లను తిరిగి ఓటరు జాబితాలో చేర్చాలని ఎన్నికల సంఘాన్ని బాంబే హైకోర్టు ఆదేశించింది. గోవాలోని శాంటా క్రూజ్‌ అసెంబ్లీ నియోజకవర్గానికి చెందిన పరేశ్‌ సాల్గావ్‌కర్‌, ఆయన కుటుంబ సభ్యుల పేర్లను 10 రోజుల్లోగా పునరుద్ధరించాలని స్పష్టం చేసింది. సాల్గావ్‌కర్‌ కుటుంబం ఎనిమిదేండ్ల క్రితమే అదే నియోజకవర్గ పరిధిలోని మరో ఇంటికి మారింది.

చిరునామా మార్పు కోసం ఈసీ నిబంధనల ప్రకారం ఫామ్‌-8ని సమర్పించింది. అయితే, సర్‌ ప్రక్రియలో భాగంగా వారి పేర్లు ఓటరు జాబితా నుంచి తొలగించారు. ఫామ్‌-8 దరఖాస్తులు కూడా తిరస్కరించారు. దీంతో తమ పేర్లను తిరిగి చేర్చాలని కోరుతూ వారు హైకోర్టును ఆశ్రయించారు.