Visit:
త్రిపుర స‌ర్కార్ సంచ‌ల‌న నిర్ణ‌యం తీసుకుంది. పాఠ‌శాల‌ల‌ను గానీ, పాఠ‌శాల మైదానాలను గానీ రాజ‌కీయ కార్య‌క్ర‌మాల‌కు వినియోగించ‌డంపై నిషేధం విధించింది. ఇక‌పై పాఠ‌శాల‌ల‌ను, పాఠ‌శాల‌ల మైదానాలను రాజ‌కీయ కార్య‌క్ర‌మాల కోసం వాడుకోవ‌ద్ద‌ని తేల్చి చెప్పింది. ఈ మేర‌కు ఓ నోటిఫికేష‌న్ కూడా జారీ చేశారు. ఈ కొత్త నిబంధ‌న ప్ర‌కారం ఇత‌ర కార్య‌క్ర‌మాల నిమిత్త‌మై వాడుకోవ‌డానికి సంబంధిత పాఠ‌శాల శాఖ నుంచి ఎన్ఓసీ స‌ర్టిఫికేట్‌ను పొందాల్సి వుంటుంద‌ని పేర్కొంది.
అది కూడా.. పాఠ‌శాల‌ల‌కు సెల‌వులు ఉన్న రోజుల్లో మాత్ర‌మే అనుమ‌తి ఉంటుంద‌ని అధికారులు పేర్కొంటున్నారు. అయితే కొంద‌రు ప్ర‌ధానోపాధ్యాయులు ఎన్‌వోసీ స‌ర్టిఫికేట్ లేకుండానే రాజ‌కీయ కార్య‌క్ర‌మాల‌కు అనుమ‌తులిచ్చార‌ని విద్యాశాఖ అధికారులు పేర్కొంటున్నారు. వారంద‌రూ నియ‌మాల‌ను ఉల్లంఘించిన‌ట్లేన‌ని పేర్కొంటున్నారు.
