Babul Supriyo to leave politics : రాజకీయాల నుంచి తప్పుకుంటున్నా: బాబుల్‌ సుప్రియో

Babul Supriyo to leave politics : రాజకీయాల నుంచి తప్పుకుంటున్నట్లు కేంద్ర మాజీ మంత్రి, పశ్చిమ బెంగాల్‌ బీజేపీ సీనియర్‌ నేత బాబుల్‌ సుప్రియో వెల్లడించారు. అలాగే పార్లమెంట్‌ సభ్యత్వానికి కూడా రాజీనామా చేయనున్నట్లు ప్రకటించారు

న్యూఢిల్లీ : రాజకీయాల నుంచి తప్పుకుంటున్నట్లు కేంద్ర మాజీ మంత్రి, పశ్చిమ బెంగాల్‌ బీజేపీ సీనియర్‌ నేత బాబుల్‌ సుప్రియో (Babul Supriyo to leave politics) వెల్లడించారు. అలాగే పార్లమెంట్‌ సభ్యత్వానికి కూడా రాజీనామా చేయనున్నట్లు ప్రకటించారు. శనివారం కోల్‌కతాలో ఆయన మీడియాతో మాట్లాడుతూ తన బాధను వెల్లగక్కారు. 2014 నుంచి నరేంద్ర మోదీ క్యాబినెట్లో మంత్రిగా ఉన్న బాబుల్‌ సుప్రియోను ఇటీవలి మంత్రిమండలి పునర్‌వ్యవస్థీకరణలో భాగంగా పర్యావరణ శాఖ సహాయ మంత్రి పదవి నుంచి తొలగించారు. దాంతో ఆప్పటి నుంచి బాబుల్‌ సుప్రియో బాధతో ఉన్నాడు.

‘వెళ్లిపోతున్నాను.. అల్విదా… నా తల్లిదండ్రులు, భార్య, స్నేహితులతో మాట్లాడాను. అందరి సలహా విన్న తర్వాత రాజకీయాల నుంచి వెళ్లిపోతున్నానని చెప్తున్నాను. నేను ఏ ఇతర పార్టీకి.. టీఎంసీ, కాంగ్రెస్‌, సీపీఐ(ఎం)కు వెళ్లడం లేదు. ఎవరూ నన్ను తమ పార్టీలో చేరాలని ఆహ్వానించలేదని నేను ధ్రువీకరిస్తున్నాను. నేను ఎక్కడికీ వెళ్ళను. నేను ఒక జట్టు ఆటగాడిని. ఎల్లప్పుడూ అదే జట్టుకు మద్దతు ఇస్తూ ఉంటాను. అదే మోహన్‌ బగాన్‌. అలాగే, ఒకే పార్టీ బీజేపీతో ఉంటాను. బయల్దేరుతున్నాను’ అని సుప్రియో ఫేస్‌బుక్ పోస్ట్‌లో తెలిపారు.

‘నేను చాలా రోజులు రాజకీయాల్లో ఉన్నాను. కొందరికి సహాయం చేశాను. మరికొందరిని నిరాశపరిచాను. అది ఎవరో ప్రజలే నిర్ణయించుకోవాలి. రాజకీయాల్లో పాలుపంచుకోకుండా సామాజిక సేవా కార్యక్రమాలు చేయొచ్చు’ అని పోస్ట్‌లో రాశారు. కాగా, కేంద్ర క్యాబినెట్‌ నుంచి తనను తొలగించడం పట్ల బాధను వ్యక్తపరిచిన బాబుల్‌ సుప్రియో.. ఎలాంటి అవినీతి మరక లేకుండా బయటకు వెళ్తునందుకు సంతోషంగా ఉన్నదని ఈ నెలారంభంలో తన ఫేస్‌బుక్‌ ఖాతాలో పోస్ట్‌ చేశారు.

ఇవి కూడా చ‌ద‌వండి..

ఇవి తింటే డయాబెటీస్‌ రాదంటా..! అవేంటంటే..?

కొడుకు ఫస్ట్‌ బర్త్‌డే.. విషెస్‌ చెప్పిన హార్దిక్‌, నటాషా

అమ్మకు ప్రేమతో.. తల్లితో అనుష్క శెట్టి

పద్మశ్రీ అవార్డుకు వైజాగ్‌ కళాకారుడు నామినేట్‌

వాట్సాప్‌పై కేసు పెట్టిన రష్యా.. ఎందుకంటే..?

45 నిమిషాలపాటు నియంత్రణ కోల్పోయిన ఐఎస్‌ఎస్‌

టర్కీ అడవిలో దావానలం.. 20 గ్రామాలు తరలింపు

వైద్యరంగంలో సంచలనం.. తల్లి గర్భంలోనే గర్భం దాల్చిన శిశువు

చరిత్రలో ఈరోజు.. మొబైల్ ఫోన్లకు 26 ఏండ్లు

తాజా వార్తల కోసం నమస్తే తెలంగాణ ఫేస్‌బుక్‌ , ట్విటర్‌, టెలిగ్రామ్‌ ను ఫాలో అవండి..